बिल्किस बानो प्रकरणातील गुन्हेगारांना सर्वोच्च न्यायालयाचा दणका, २१ जानेवारीचा अल्टिमेटम देत म्हणाले…

बिल्किस बानो सामूहिक बलात्कार प्रकरणातील गुन्हेगारांना आत्मसमर्पण करण्यास वेळ वाढवून देण्यास सर्वोच्च न्यायालयाने नकार दिला आहे. तसेच न्यायमूर्ती म्हणाले, या याचिकेला काहीही अर्थ नाही.

आणखी वाचा

‘महाभारताचा’ उल्लेख करत फाशीची शिक्षा, उच्च न्यायालयाचे सत्र न्यायालयावर ताशेरे…

Nana Patole : निकालाआधी राजकीय घडामोडींना वेग; यातच…

अल्पवयीन पत्नीसोबत सहमतीतून शारीरिक संबंध बलात्कारच, उच्च न्यायालय म्हणाले, ‘पीडितेच्या इच्छेविरोधात…’

High Court : अल्पवयीन पत्नीशी संमतीनं ठेवलेले शरीरसंबंधही बलात्कारच; मुंबई हायकोर्टाचं १० वर्षांच्या शिक्षेवर शिक्कोमोर्तब

तरुणाच्या कुटुंबीयांसाठी सर्वोच्च न्यायालय मदतीला; अकरा वर्षांपासून अंथरुणाशी खिळलेल्या तरुणावर आता सरकारी उपचार

नवाब मलिक यांचा जामीन रद्द करा ,मागणीसाठी उच्च न्यायालयात याचिका; जामिनाच्या अटींचे उल्लंघन केल्याचा दावा

सर्वोच्च न्यायालयाचा मुकेश अंबानींना दिलासा; ‘आरपीएल शेअर्स’प्रकरणी ‘सॅट’च्या आदेशाला सेबीचे आव्हान फेटाळले!

बिल्किस बानो प्रकरणातील गुन्हेगारांनी सर्वोच्च न्यायालयात याचिका दाखल करून आत्मसमर्पण करण्याची मुदत वाढवून देण्याची मागणी केली होती. गोविंदभाई नाई, रमेश रुपाभाई चंदना आणि मितेश चिमणलाल भट यांनी वेगवेगळी कारणं देत चार आठवड्यांची मुदत वाढवून मागितली होती. परंतु, न्यायमूर्तींनी ही मागणी अमान्य केली आहे.

गोविंदभाई नाई याने सर्वोच्च न्यायालयात अर्ज दाखल करून म्हटलं होतं की, माझे वडील ८८ वर्षांचे आहेत, ते गेल्या काही दिवसांपासून आजारी आहे. ते अंथरुणातून उठू शकत नाहीत. सर्व कामांसाठी ते माझ्यावर अवलंबून आहेत. घरात माझ्या वडिलांची देखभाल करणारा मी एकटाच आहे. मी स्वतःदेखील आता वृद्ध झालोय. मला अस्थम्याचा त्रास आहे. अलीकडेच माझ्यावर एक शस्त्रक्रिया करण्यात आली आहे. मला मुळव्याध असून त्यावरील शस्त्रक्रिया करायची आहे. तसेच घरात माझी ७५ वर्षीय वृद्ध आईदेखील आहे. मला तिचीदेखील सेवा करावी लागते. माझी आईदेखील आजारी असते. त्यामुळे मला आत्मसमर्पण करण्यासाठी काही दिवसांची मुदत वाढवून द्यावी.

नाई याने म्हटलं आहे की, मी दोन मुलांचा पिता आहे. आर्थिक आणि इतर गरजांसाठी माझी दोन्ही मुलं माझ्यावरच अवलंबून आहेत. माझी सुटका केल्यानंतर गेल्या काही दिवसांमध्ये मी कुठेही कायद्याचं उल्लंघन केलेलं नाही. ज्या अटी-शर्थींसह माझी सुटका करण्यात आली होती. त्या सगळ्या अटींचं मी तंतोतंत पालन केलं आहे.

हे ही वाचा >> राम मंदिराचा निकाल देणाऱ्या सर्वोच्च न्यायालयाच्या पाच न्यायधीशांनाही प्राणप्रतिष्ठा सोहळ्याचं निमंत्रण

दुसऱ्या बाजूला, रुपेश चंदना याने त्याच्या मुलाच्या लग्नाचं कारण दिलं आहे. तर मितेश भट याने शेतीचं कारण देत आत्मसमर्पण करण्यास मुदत वाढवून मागितली आहे.