त्यांच्याकडे तर ६ जण पंतप्रधानपदाच्या शर्यतीत: राम माधव

काँग्रेसबाबत माधव म्हणाले की, राहुल काँग्रेसचे नेते आहेत. हे त्यांनी निश्चित केले पाहिजे की, त्यांचे नेतृत्व पक्षासाठी चांगले आहे की, नाही. आम्ही काँग्रेससाठी त्यांच्या नेतृत्वावर कसे बोलू शकतो. नुकताच झालेल्या निवडणुकीत त्यांनी यश मिळवले, याबाबत काहीच शंका नाही.

विधानसभा निवडणुकीत यश मिळाले म्हणून जर राहुल पंतप्रधानपदासाठी पर्याय असतील तर महाआघाडीची गरजच नाही. आजही स्टॅलिन यांच्याशिवाय महाआघाडीच्या नेत्याचे नाव निश्चित करण्यासाठी कोणीच तयार नाही. पंतप्रधानपदासाठी त्यांच्याकडे ६ लोक रांगेत आहेत, असे ते म्हणाले.

यावेळी त्यांनी तिहेरी तलाकबाबतही भाष्य केले. ते म्हणाले, याप्रकरणी मोदी सरकारने ऐतिहासिक पाऊल उचलले आहे. बहुसंख्य मुसलमानांनी त्याचे स्वागत केले आहे. मुस्लीम महिलांसाठी हे वरदान सिद्ध होईल.