घरात गणपतीची प्राणप्रतिष्ठा केल्याने मुस्लीम भाजपा नेत्याला मौलवींकडून धमकी; म्हणाल्या “त्यांना माझी हत्या…”

“मी माझ्या घऱात सात दिवसांसाठी गणपतीच्या मूर्तीची प्राणप्रतिष्ठा केली आहे. गणपतीच्या मूर्तीचं विसर्जनही मनोभावे करणार आहे. राम मंदिराची पायाभरणी झाल्यानंतरही, मी माझ्या घरात पूजा केली होती. यानंतर माझ्याविरोधात फतवा काढण्यात आला होता,” अशी माहिती रुबी खान यांनी दिली आहे.

“ते सर्व माझ्याविरोधात उभे राहिले आहेत. त्यांना माझी हत्या करायची आहे. मला धमक्या मिळत आहेत. मी घाबरणारी व्यक्ती नाही. मी गणेशमूर्तीचं विसर्जन करणार असून, माझे पती माझ्या पाठीशी आहेत,” असा निर्धार त्यांनी व्यक्त केला आहे.