स्वतःची तुलना प्रभू रामांशी, डोनाल्ड ट्रम्पचं उदाहरण देत ब्रिजभूषण सिंह यांचं वादग्रस्त वक्तव्य, म्हणाले, “विनेश फोगाट…”

ब्रिजभूषण सिंह म्हणाले, “रामाच्या वनवासाला मंथरा जबाबदार होती. तिनेच कैकेयीचे कान भरले आणि भरताला सिंहासनावर बसवण्यासाठी रामाला वनवासाला पाठवण्यास सांगितले. तसेच रामाचा राज्याभिषेक झाला असता, तर ते मर्यादापुरुषोत्तम झाले नसते.”

आणखी वाचा

जम्मू-काश्मीरमध्ये कुणाचं सरकार येणार? त्रिशंकू विधानसभा झाल्यास भाजपाशी युती करणार? कलम ३७० बाबत भूमिका काय? फारूख अब्दुल्ला म्हणतात…

२ ऑक्टोबर पंचांग: सर्वपित्री अमावस्या कोणासाठी ठरणार शुभ?…

आपचं रामायण : आता कैलाश गेहलोत म्हणतात, “मी केजरीवालांचा हनुमान”

‘वंचित’च्या भूमिकेचा स्त्री लेखिका-कार्यकर्तींकडून निषेध

बावनकुळेंकडूनही नितेश राणेंची पाठराखण, म्हणाले ” त्यांचे वक्तव्य…”

इराणच्या सर्वोच्च नेत्याकडून भारतातील मुस्लिमांबाबत वादग्रस्त टिप्पणी; परराष्ट्र मंत्रालयानेही सुनावले खडे बोल; म्हणाले…

गायकवाड यांना वडेट्टीवार यांचे प्रत्युत्तर ,म्हणाले ‘पन्नास खोके घेणाऱ्यांना सत्तेची मस्ती’

‘हे खा’, ‘ते खा’ सांगणे म्हणजे धर्म नव्हे, सरसंघचालक डॉ. मोहन भागवत यांचे मत

“मी विनेश फोगाटला धन्यवाद देतो”

“जशी महाभारतात मंथरा आणि कैकेयीने भूमिका निभावली होती, त्याचप्रमाणे विनेश फोगाट माझ्यासाठी मंथरेच्या भूमिकेतून काम करत आहे. ती माझ्यासाठी मंथरा बनून आली आहे. लोक जसे मंथरा आणि कैकेयीला धन्यवाद देतो, तसेच मी विनेश फोगाटला धन्यवाद देईल,” असं म्हणत ब्रिजभूषण यांनी विनेश फोगाटवर टीका केली.

“लैंगिक अत्याचारविरोधी कायद्याचा डोनाल्ड ट्रम्प यांनाही त्रास झाला”

ब्रिजभूषण सिंह यांनी त्यांच्यावरील लैंगिक अत्याचाराचे आरोप चुकीचे असल्याचं म्हणत लैंगिक अत्याचारविरोधी कायद्यांचा गैरवापर होतो, असा आरोप केला. यासाठी त्यांनी अमेरिकेचे माजी अध्यक्ष डोनाल्ड ट्रम्प यांचं उदाहरण दिलं. ते म्हणाले, “लैंगिक अत्याचाराच्या आरोपांमुळे लोक आत्महत्या करतात. या लैंगिक अत्याचारविरोधी कायद्याचा डोनाल्ड ट्रम्प यांनाही त्रास झाला. मलाही या वयात आणखी एक लढाई लढावी लागेल.” मात्र, ट्रम्प लैंगिक अत्याचारप्रकरणात दोषी सिद्ध झाले आणि त्यांना न्यायालयाने शिक्षाही सुनावली, याचा उल्लेख त्यांनी करणं टाळलं.

हेही वाचा : “मीच का, जेवढ्या मुलींनी तक्रार केलीये त्या…”, विनेश फोगाटचं ब्रिजभूषण सिंह यांना खुलं आव्हान!

आपण कुस्तीपटूंवर कोट्यावधी रुपये खर्च करतो. जे लोक पाया पडायचे, त्यांची आज भाषा बदलली आहे, असं म्हणत त्यांनी पीडित महिला कुस्तीपटूंवर टीका केली. ते या ठिकाणी अयोध्यामध्ये ५ जून रोजी होणाऱ्या जन चेतना रॅलीच्या तयारीच्या बैठकीसाठी आले होते. या रॅलीत संतांनी ११ लाख लोकांना येण्याचं आाहन केलं आहे.