“प्रज्ञा ठाकुर यांना नाचताना पाहिलं की आनंद होतो”, व्हिडिओ शेअर करत काँग्रेस नेत्याचा टोमणा

नव्या व्हिडिओत प्रज्ञा ठाकुर या डान्स करताना दिसत आहेत. हा व्हिडिओ एका लग्नातील आहे. प्रज्ञा ठाकुर यांच्या निवासस्थानी या लग्नाचं आयोजन करण्यात आलं होतं. दोन गरीब मुलींच्या लग्न त्यांनी लावून दिलं. या कार्यक्रमात प्रज्ञा ठाकुर यांनी ठेका धरला होता. त्याचबरोबर उपस्थित पाहुण्यांनाही नाचायला बोलवताना त्या या व्हिडिओत दिसत आहेत. हा व्हिडिओ काँग्रेस प्रवक्ते नरेंद्र सलुजा यांनी शेअर केला आहे.

हमारी भोपाल की सांसद बहन प्रज्ञा ठाकुर को जब भी बास्केट बॉल खेलते हुए , बग़ैर सहारे के चलते हुए या इस तरह ख़ुशी से झूमते हुए देखते है तो बड़ी ख़ुशी होती है…? pic.twitter.com/MR01Gumnun

— Narendra Saluja (@NarendraSaluja) July 7, 2021

“आमच्या भाजपाच्या खासदार प्रज्ञा ठाकुर यांना जेव्हा कुणाचीही मदत न घेता बास्केटबॉल खेळताना पाहतो तेव्हा आनंद होतो. आतापर्यंत हे कळू शकलं नाही त्यांना नेमकं काय झालं आहे?. मात्र त्यांना आता नाचताना पाहिलं आणि आनंद झाला. ईश्वर त्यांना चांगलं आरोग्य देवो”, असा टोमणा काँग्रेस नेते सलूजा यांनी मारला.

भोपाल की भाजपा सांसद साध्वी ठाकुर को अभी तक व्हील चेयर पर ही देखा था लेकिन आज उन्हें भोपाल में स्टेडीयम में बास्केट बॉल पर हाथ आज़माते देखा तो बड़ी ख़ुशी हुई…

अभी तक यही पता था कि किसी चोट के कारण वो ठीक से खड़ी और चल फिर भी नही सकती है…?

ईश्वर उन्हें हमेशा स्वस्थ रखे.. pic.twitter.com/UQrmsXkime

— Narendra Saluja (@NarendraSaluja) July 1, 2021

२००८ मधील मालेगाव स्फोट प्रकरणात प्रज्ञा ठाकुर आरोपी आहेत. सध्या त्यांना जामीनावर सोडण्यात आलं आहे. जवळपास ९ वर्षे त्या तुरुंगात होत्या. उत्तर महाराष्ट्रातील मालेगावातील एका मशिदीजवळ स्फोट झाला होता, त्यात ६ लोकांचा मृत्यू, तर १००हून अधिक जण जखमी झाले होते.