‘निवडणूक नियम माहित नसतील तर गप्प बसावं’, त्या चुकीमुळे भाजपा खासदाराने प्रियंका गांधींना सुनावलं

झालं असं की, प्रियंका गांधी यांनी “केरळमध्ये आमचे 50 टक्के उमेदवार 20 ते 40 वयोगटातले असल्याचा खूप अभिमान वाटतोय. आमच्या वरिष्ठ नेतृत्वाचा अनुभव आणि ज्ञानामुळे ते संयुक्तपणे एक शक्तीशाली ताकद बनतात. मला आशा आहे की, केरळच्या जनतेची सेवा करण्याची संधी त्यांना मिळेल, जेणेकरुन युडीएफचा दृष्टीकोन समजेल” असं ट्विट केलं होतं.

So proud that 50% of our candidates in Kerala are between the age of 20 and 40. Combined with the wisdom and experience of our senior leadership, they make a formidable force. I hope they are given a chance to serve the people of Kerala so that the UDF’s vision can be realised. pic.twitter.com/5Js0xczTPH

— Priyanka Gandhi Vadra (@priyankagandhi) March 31, 2021

पण, या ट्विटमध्ये प्रियंका गांधींनी उमेदवारांचं किमान वय 20 वर्ष लिहिलं, त्यावरुन सोशल मीडियावर त्यांच्या राजकीय समज आणि ज्ञानाबद्दल प्रश्न विचारण्यास सुरूवात झाली. अशातच जमयांग सेरिंग नामग्याल यांनी प्रियंका गांधींना उत्तर दिलं. “जर तुम्हाला सक्रिय राजकारण आणि निवडणूक नियम माहित नसतील तर शांत बसणं एक चांगला पर्याय आहे”, असा टोला त्यांनी प्रियंका गांधी यांना लगावला. “भारतात निवडणूक लढण्याची किमान वयोमर्यादा 25 वर्ष आहे, आता तुमच्या 20 ते 25 वयोगटातील उमेदवारांचं काय होणार?” असंही खासदार नामग्याल यांनी आपल्या ट्विटमध्ये म्हटलं.

Dear @priyankagandhi
Ji,

यदि आप सक्रिय राजनीति और चुनाव नियमों की मूल बात नहीं जानते हैं तो चुप रहना ही एक अच्छा विकल्प है !

Minimum age to contest election in India is 25. Now what about your candidates between the age 20 to below 25? https://t.co/r8t8RO2Ki5

— Jamyang Tsering Namgyal (@jtnladakh) March 31, 2021

भारतीय राज्यघटनेनुसार निवडणूक लढण्याचे किमान वय 25 वर्षे निश्चित करण्यात आले आहे, तर प्रियंका यांनी आपल्या ट्विटमध्ये 20 वर्षे नमूद केलं होतं. सोशल मीडियावर त्यांच्या या ट्विटची नेटकऱ्यांनी चांगलीच मजा घेतली.