भाजपला धक्का; पोटनिवडणुकीत १३ पैकी दोनच ठिकाणी यश

पश्चिम बंगालमधील सर्व चार जागा सत्तारूढ तृणमूल काँग्रेसकडे गेल्या. विशेष म्हणजे यातील तीन जागा यापूर्वी भाजपकडे होत्या. मात्र आमदारांनी पक्ष बदलल्याने येथे पोटनिवडणूक झाली. रायगंज, रानघाट दक्षिण, बागडा तसेच मनिकटला या चारही मतदारसंघात ५० हजारांहून अधिक मताधिक्याने तृणमूल काँग्रेसच्या उमेदवारांनी विजय मिळवला. त्यावरून राज्यातील पक्षाचे यश लक्षात येते.

आणखी वाचा

लक्षवेधी लढत : मुनगंटीवार यांच्यासमोर कडवे आव्हान

Nana Patole : निकालाआधी राजकीय घडामोडींना वेग; यातच…

लक्षवेधी लढत : मुश्रीफ- घाटगेंमध्ये पुन्हा लढत फक्त पक्ष बदलून

काँग्रेस उमेदवार धावत गेला भाजप कार्यालयात…आतमध्ये जे घडले…

“डोळ्यांसमोर कमळ येईल, पण तुम्ही घड्याळाचेच बटन दाबा…” धनंजय मुंडेंच्या समोरच काय म्हणाल्या पंकजा? पाहा व्हिडिओ

‘बांटना और काटना’हे भाजपचे काम – खरगे

भाजपच्या ‘बटेंगे’ला काँग्रेसचे ‘जुडेंगे’

उत्तरखंडमध्ये काँग्रेसची सरशी

उत्तराखंडमध्ये बद्रीनाथ व मंगलौर या दोन्ही ठिकाणी काँग्रेसने विजय मिळवत सत्तारूढ भाजपला धक्का दिला. लखपालसिंह बुटाला यांनी बद्रीनाथ मतदारसंघात माजी मंत्री व भाजप उमेदवार राजेंद्रसिंह भंडारी यांचा पाच हजार मतांनी पराभव केला. तर मंगलौरमध्ये काँग्रेसच्याच निजामुद्दीन यांनी ४२२ मतांच्या निसटत्या फरकाने भाजप उमेदवाराचा पराभव केला. मध्य प्रदेशमध्ये भाजपला यश मिळाले. अमरवरा येथे भाजपच्या कमलेश प्रताप शहा यांनी तीन हजार मतांनी काँग्रेसच्या धरीन सह इनवती यांचा पराभव केला. माजी मुख्यमंत्री कमलनाथ यांचे हे प्रभावक्षेत्र मानले जाते.

हेही वाचा >>> विधान परिषद निवडणुकीत शेकापचे जयंत पाटील यांचा पराभव; मित्रपक्षांच्या नाराजीचा फटका

बिहारमध्ये प्रमुख पक्षांना धक्का

बिहारच्या रुपैली मतदारसंघात अपक्ष शंकर सिंह विजयी झाले. त्यांनी संयुक्त जनता दलाच्या कलाधर प्रसाद मंडल यांचा पराभव केला. येथे राष्ट्रीय जनता दलाचा उमेदवार तिसऱ्या क्रमांकावर गेला. तमिळनाडूत द्रमुकने मोठ्या फरकाने विक्रवंडी मतदारसंघातील जागा राखली. येथे प्रमुख विरोधी पक्ष असलेल्या अण्णा द्रमुकने निवडणुकीत भाग घेतला नव्हता. पंजाबच्या जालंधर पश्चिम मतदारसंघात सत्तारूढ आम आदमी पक्षाच्या मोहिंदर भगत यांनी भाजपच्या शीतल अंगरुल यांचा पराभव केला. त्यांनी आपचा राजीनामा देत भाजपमध्ये प्रवेश केला होता. मुख्यमंत्री भगवंत मान यांच्यासाठी हा निकाल महत्त्वाचा आहे. पंजाबमध्ये लोकसभा निवडणुकीत आपची कामगिरी चांगली झाली नव्हती. त्यामुळे हा विजय त्यांच्यासाठी महत्त्वाचा ठरला.

पोटनिवडणूक निकाल

एकूण जागा १३ : ●तृणमूल काँग्रेस ४ ●काँग्रेस ४ ●भाजप २ ●द्रमुक, आप, अपक्ष प्रत्येकी १

देशभरातील राजकीय वातावरण बदलत असल्याचे या निकालातून दिसते. – जयराम रमेश, काँग्रेस सरचिटणीस

मुख्यमंत्र्यांच्या पत्नी विजयी

हिमाचल प्रदेशातील तीन जागांपैकी सत्तारूढ काँग्रेसला दोन तर भाजपला एक जागा मिळाली. मुख्यमंत्री सुखविंदरसिंह सुख्खू यांच्या पत्नी कमलेश ठाकूर यांनी डेहरा मतदारसंघात भाजप उमेदवार होशियार सिंह यांचा ९ हजार मतांनी पराभव केला. नलगड येथील जागाही काँग्रेसला मिळाली. भाजपला केवळ हमीरपूर मतदारसंघात यश मिळाले.