Gautam Adani News : उद्योजक मुकेश अंबानी यांना मागे टाकून उद्योगपती गौतम अदाणी हे आता क्रमांक एकचे व्यक्ती झाले आहेत. भारत आणि आशियातील सर्वात श्रीमंत व्यक्तींच्या यादीत गौतम अदाणींचा समावेश झाला आहे. जगातील अब्जाधीशांच्या यादीतही गौतम अदाणी यांनी मोठी झेप घेतली आहे. जगातल्या अब्जाधीशांच्या यादीत गौतम अदाणी १२ व्या स्थानावर पोहचले आहेत. तर मुकेश अंबानी हे जगातील अब्जाधीशांच्या यादीत १२ व्या स्थानावरुन १३ व्या स्थानावर पोहचले आहेत. गौतम अदानी यांची एकूण संपत्ती किती? ब्लूमबर्ग बिलियनर्स इंडेक्सनुसार, मुकेश अंबानींची संपत्ती ९७ अब्ज डॉलर्स आहे. गेल्या २४ तासांत गौतम अदाणी यांची एकूण संपत्तीत मोठी भर पडली आहे. अदाणी समूहाचे मालक असलेले गौतम अदाणी हे आता भारतातील श्रीमंत व्यक्तींच्या यादीत पहिल्या स्थानावर तर जगातील अब्जाधीशांच्या यादीत १२ व्या स्थानावर पोहचले आहेत. गुरुवारपर्यंत अदाणी या यादीत १४ व्या क्रमांकावर होते. मात्र गेल्या २४ तासांत त्यांनी केलेल्या प्रचंड कमाईमुळे त्याच्या नेट वर्थमध्ये चांगली वाढ झाली आहे. ज्यामुळे ते आता १४ व्या स्थानावरून १२ व्या स्थानावर पोहोचले आहेत. ज्यानंतर गौतम अदाणी हे भारतातील सर्वात श्रीमंत व्यक्ती ठरले आहेत. ब्लूमबर्ग बिलियनेअर्स इंडेक्सनुसार, गौतम अदानी यांची एकूण संपत्ती ९७.६ अब्ज डॉलर इतकी झाली आहे. गेल्या दोन दिवसांच्या वाढीसोबतच शुक्रवारी अदाणी समूहाच्या शेअर्समध्येही जोरदार वाढ दिसून आली आहे. BSE वर ACC सिमेंटचे शेअर्स ३.२० टक्क्यांनी वाढून २,३५२ रुपये प्रति शेअर झाले यासह अदाणी पोर्ट सुमारे ३ टक्के, अदाणी पॉवर २ टक्के, अदाणी टोटल गॅस २ टक्के, अदाणी विल्मर शेअर ०.१२ टक्के, अंबुजा सुमारे ३ टक्क्यांनी वाढले. तर अदाणी एंटरप्रायझेसचे शेअर्स ०.१८ टक्क्यांनी घसरले. याशिवाय अदाणी एनर्जी सोल्युशन्स ०.४१ टक्के आणि अदाणी एनर्जी ०.४३ टक्क्यांनी घसरले.
