कॅनडातील श्री भगवद्गीता उद्यानातील ‘त्या’ घटनेच्या निषेधानंतर महापौरांचं स्पष्टिकरण, म्हणाले, “तो फलक तर…”

“या उद्यानातील फलकाच्या तोडफोडीच्या वृत्तानंतर, आम्ही चौकशी करत त्वरित कारवाई केली आहे. हे फलक तात्पुरत्या स्वरुपात लावण्यात आले असून विकासकाकडून ते बदलण्यात येणार आहे”, असे ब्रॅम्पटनचे महापौर पॅट्रिक ब्राऊन यांनी सांगितले आहे. ही बाब लक्षात आणुन दिल्याबद्दल ब्राऊन यांनी भारतीय समाजाचे आभार मानले आहेत.

“आम्ही श्री भगवद्गीता उद्यानामध्ये घडलेल्या द्वेषपूर्ण गुन्ह्याचा निषेध करतो. कॅनेडाचे अधिकारी आणि पोलिसांनी दोषींवर तात्काळ कारवाई करावी”, असे कॅनेडातील भारतीय उच्चायुक्तांनी ट्वीटमध्ये म्हटले होते. या ट्वीटनंतर ब्रॅम्पटनच्या महापौरांनी कारवाईबाबत माहिती दिली आहे.