Brazil Plane Crash in Sao Paulo VIDEO : ब्राझीलच्या विन्हेडो प्रांतात मोठी विमान दुर्घटना झाली आहे. ६२ प्रवाशांना घेऊन जाणारं एक विमान या भागात कोसळलं असल्याचं वृत्त स्थानिक वृत्तवाहिनी ग्लोबोन्यूजने दिलं आहे. व्होपास लिन्हास एरिआज कंपनीचं एटीआर-७२ हे विमान पराना राज्यातील कास्केवेल शहरातून साओ पाऊलोमधील ग्वारुलहोसला जात होतं. शुक्रवारी (९ ऑगस्ट) दुपारी पावणे दोनच्या सुमारास (स्थानिक वेळेनुसार) ही दुर्घटना घडली आहे. साओ पाऊलो राज्य अग्निशमन दलाने समाजमाध्यमांद्वारे या वृत्ताची पुष्टी केली आहे. विमान ज्या भागात कोसळलं तिथे अग्निशमन दलाची पथकं व बचाव पथकं रवाना करण्यात आली आहेत.

या बातमीसह सर्व प्रीमियम कंटेंट वाचण्यासाठी साइन-इन करा
Skip
या बातमीसह सर्व प्रीमियम कंटेंट वाचण्यासाठी साइन-इन करा

दरम्यान, एअरलाईन कंपनी वोपासने एक निवेदन जारी केलं आहे. या निवेदनाद्वारे त्यांनी विमान अपघाताच्या वृत्ताची पुष्टी केली आहे. त्यांनी निवेदनात म्हटलं आहे की साओ पाऊलो आंतरराष्ट्रीय विमानतळावरून ग्वारूलहोसला जाणारं एक विमान दुर्घटनाग्रस्त झालं आहे. या विमानात एकूण ५८ प्रवासी होते. तसेच पायलटसह चार कर्मचारीदेखील या विमानात होते. विमान कंपनीने निवेदन जारी केलं असलं तरी ही विमान दुर्घटना कशामुळे झाली ते अद्याप स्पष्ट केलेलं नाही.

आणखी वाचा

हे ही वाचा >> SC on Mumbai College Hijab Ban: मुंबईतील महाविद्यालयाच्या हिजाब बंदीला स्थगिती; ‘टिळा, टिकलीला परवानगी का?’, सर्वोच्च न्यायालयाचा प्रश्न

अपघाताचं कारण काय?

दुपारी १.३० च्या सुमारास विमानातील सिग्नल यंत्रणेत बिघाड झाला. त्यानंतर विमानाचा विमानतळाशी असलेला संपर्क तुटला. काही वेळाने थेट विमान कोसळल्याची माहिती मिळाली. विमान नेमकं कशामुळे कोसळलं, विमानात आग कशामुळे लागली हे अद्याप समजू शकलेलं नाही. प्रत्यक्षदर्शींनी सांगितलं की ज्या ठिकाणी विमान कोसळलं तिथून आगीचे मोठे लोळ दिसत होते. विमान कोसळल्यानंतर एका मोठ्या स्फोटाचा आवाजही आला होता.

हे ही वाचा >> Serial Killer Arrested: १४ महिन्यांत ९ महिलांचा खून करणाऱ्या सिरीयल किलरला अखेर अटक; वेब सीरीजच्या कथेप्रमाणे आहे शोधमोहिमेचा थरार

ब्राझीलच्या अध्यक्षांकडून श्रद्धांजली अर्पण

ग्लोबोन्यूजने एका रहिवासी भागाजवळ पेटलेलं विमान कोसळत असल्याचा एक व्हिडीओ जारी केला आहे. व्हिडीओत दिसतंय की जंगल असलेल्या भागात विमान कोसळलं आहे. विमान कोसळल्यानंतर मोठा स्फोट होऊन काळा धूर सर्वत्र पसरला. दरम्यान, दक्षिण ब्राझीलमधील एका कार्यक्रमात ब्राझीलचे अध्यक्ष लुईस इनासियो लुला दा सिल्वा यांनी या विमान अपघाताचं वृत्त सांगत शोक व्यक्त केला. तसेच या कार्यक्रमातून त्यांनी विमान अपघातात दगावलेल्या लोकांना श्रद्धांजली वाहिली. त्यांनी उपस्थित लोकांना उभे राहून एक मिनिट मौन पाळण्यास सांगितलं.

दरम्यान, एअरलाईन कंपनी वोपासने एक निवेदन जारी केलं आहे. या निवेदनाद्वारे त्यांनी विमान अपघाताच्या वृत्ताची पुष्टी केली आहे. त्यांनी निवेदनात म्हटलं आहे की साओ पाऊलो आंतरराष्ट्रीय विमानतळावरून ग्वारूलहोसला जाणारं एक विमान दुर्घटनाग्रस्त झालं आहे. या विमानात एकूण ५८ प्रवासी होते. तसेच पायलटसह चार कर्मचारीदेखील या विमानात होते. विमान कंपनीने निवेदन जारी केलं असलं तरी ही विमान दुर्घटना कशामुळे झाली ते अद्याप स्पष्ट केलेलं नाही.

आणखी वाचा

हे ही वाचा >> SC on Mumbai College Hijab Ban: मुंबईतील महाविद्यालयाच्या हिजाब बंदीला स्थगिती; ‘टिळा, टिकलीला परवानगी का?’, सर्वोच्च न्यायालयाचा प्रश्न

अपघाताचं कारण काय?

दुपारी १.३० च्या सुमारास विमानातील सिग्नल यंत्रणेत बिघाड झाला. त्यानंतर विमानाचा विमानतळाशी असलेला संपर्क तुटला. काही वेळाने थेट विमान कोसळल्याची माहिती मिळाली. विमान नेमकं कशामुळे कोसळलं, विमानात आग कशामुळे लागली हे अद्याप समजू शकलेलं नाही. प्रत्यक्षदर्शींनी सांगितलं की ज्या ठिकाणी विमान कोसळलं तिथून आगीचे मोठे लोळ दिसत होते. विमान कोसळल्यानंतर एका मोठ्या स्फोटाचा आवाजही आला होता.

हे ही वाचा >> Serial Killer Arrested: १४ महिन्यांत ९ महिलांचा खून करणाऱ्या सिरीयल किलरला अखेर अटक; वेब सीरीजच्या कथेप्रमाणे आहे शोधमोहिमेचा थरार

ब्राझीलच्या अध्यक्षांकडून श्रद्धांजली अर्पण

ग्लोबोन्यूजने एका रहिवासी भागाजवळ पेटलेलं विमान कोसळत असल्याचा एक व्हिडीओ जारी केला आहे. व्हिडीओत दिसतंय की जंगल असलेल्या भागात विमान कोसळलं आहे. विमान कोसळल्यानंतर मोठा स्फोट होऊन काळा धूर सर्वत्र पसरला. दरम्यान, दक्षिण ब्राझीलमधील एका कार्यक्रमात ब्राझीलचे अध्यक्ष लुईस इनासियो लुला दा सिल्वा यांनी या विमान अपघाताचं वृत्त सांगत शोक व्यक्त केला. तसेच या कार्यक्रमातून त्यांनी विमान अपघातात दगावलेल्या लोकांना श्रद्धांजली वाहिली. त्यांनी उपस्थित लोकांना उभे राहून एक मिनिट मौन पाळण्यास सांगितलं.