भाजपाच्या अजेंड्यावर बजेट नाही तर पाकिस्तान, इम्रान खान, मुसलमान: काँग्रेस

चौधरी यांनी सभागृहात जाण्यासाठी एएनआय या वृत्तसंस्थेशी संवाद साधला. “अर्थव्यवस्थेच्या चिंध्या झाला आहेत. आता निर्मलाजी यावर फक्त कॉस्मॅटीक सर्जरी करुन डागडुजीच करु शकतात. कारण भाजपा सरकार केवळ पाकिस्तान आणि इम्रान खान मुसलमान याबद्दलच बोलताना दिसत आहे,” असा टोला चौधरी यांनी लगावला आहे.

Economy is in tatters, all that Nirmalaji can do is cosmetic surgery because all that BJP govt has been talking about it Pakistan Imran Khan Musalmaan. : Adhir Ranjan Chowdhury, leader of Cong in Parliament to ANI. #Budget2020 pic.twitter.com/rLcAzyyLh1

— Smita Prakash (@smitaprakash) February 1, 2020

शेअर बाजार पडला

देशाच्या अर्थव्यवस्थेची सध्याची मंदगती पाहता सरकार त्यात उत्साहाचे वातावरण आणण्यासाठी विविध क्षेत्रांसाठी काय घोषणा करणार याकडे सर्वांचे लक्ष लागून राहिले होते. शेअर बाजारावरही अर्थव्यवस्थेसंदर्भातील चिंतेचा परिणाम दिसून आला. अर्थसंकल्प सादर होण्यापूर्वीच शेअर बाजार सुरु होताच मोठी घसरण पहायला मिळाली. सेन्सेक्स १४० अंकांनी कोसळला असून निफ्टीची १२६.५० अंकांची घसरण झाली आहे. आज सकाळी बाजार खुला झाला तेव्हा बॉम्बे स्टॉक एक्स्चेंजचा निर्देशांक (सेन्सेक्स) १४० अंकांनी कोसळला आणि ४०,५७६ वर पोहोचला. तर नॅशनल स्टॉक एक्स्चेंजचा निर्देशांक (निफ्टी) १२६.५० अंकांनी कोसळला आणि ११,९१० वर स्थिरावल्याचा पहायला मिळाला.