चीन-पाकिस्तानचं आव्हान; संरक्षणासाठी ४.७८ लाख कोटींची तरतूद, शस्त्रास्त्र खरेदीसाठी १.३५ लाख कोटी

४.७८ लाख कोटीच्या बजेटमध्ये १.३५ लाख कोटी रुपये शस्त्रास्त्र खरेदीसाठी राखून ठेवण्यात येतील. मागच्यावर्षी भांडवली खर्च म्हणजे शस्त्रास्त्र खरेदीसाठी १.१३ लाख कोटी रुपये खर्च झाला. त्यात १९ टक्के वाढ करण्यात आली आहे. पूर्व लडाख सीमेवर चीन बरोबरचा संघर्ष आणि चीन-पाकिस्तानकडून असलेला युद्धाचा धोका त्या पार्श्वभूमीवर संरक्षणाच्या बजेटमध्ये वाढ करण्यात आली आहे.

आणखी वाचा- करोना लसीकरणासंदर्भात निर्मला सीतारामन यांनी अर्थसंकल्पात केली मोठी घोषणा

यंदा महसूली खर्चासाठी २.१२ लाख कोटी रुपये तर पेन्शनसाठी १.१५ लाख कोटींची तरतूद करण्यात आली आहे. मागच्यावर्षी डिफेन्स बजेट ४.७१ लाख कोटी रुपये होते. तेच २०१९-२० मध्ये संरक्षणासाठी ४.३ लाख कोटी रुपयांची तरतूद करण्यात आली होती. डिफेन्स बजेटमध्ये वाढ करण्याचं मोदी सरकारचं हे सलग सातव वर्ष आहे.