बुली बाई अ‍ॅपच्या माध्यमातून मुस्लीम महिलांची बदनामी केल्याप्रकरणी मुंबई सायबर पोलिसांनी आतापर्यंत तिघांना अटक केली आहे. अ‍ॅपद्वारे मुस्लीम महिलांचे छायाचित्र समाजमाध्यमांवर प्रसारित करून आभासी लिलाव करण्यात येत असल्याची तक्रार सायबर पोलिसांना मिळाली होती. त्यानुसार कारवाई करत तिघांना अटक करण्यात आली आहे.

या बातमीसह सर्व प्रीमियम कंटेंट वाचण्यासाठी साइन-इन करा
Skip
या बातमीसह सर्व प्रीमियम कंटेंट वाचण्यासाठी साइन-इन करा

‘बुली बाई अ‍ॅप’ प्रकरणात धक्कादायक वळण; १२ वी पास १८ वर्षांची मुलगी मुख्य आरोपी; पोलीसही चक्रावले

हे ट्विटर हँडल विशाल कुमार झा (२१) हा वापरत असल्याचे निष्पन्न झाले. न्यायालयाने त्याला ७ दिवसांची पोलीस कोठडी दिली आहे. त्याने दिलेल्या माहितीवरून तपासासाठी उत्तराखंड येथील रुद्रपूर येथे एक पथक रवाना झाले होते. त्या पथकाने याप्रकरणी श्वेता अनंत सिंह (१८) या तरुणीला अटक केली. या प्रकरणात वापरण्यात आलेली संशयित ट्विटर हँडल श्वेता सिंहने बनवल्याचा पोलिसांना संशय आहे. त्यानंतर आरोपी मयंक प्रदीपसिंह रावत ( २१) यालाही बुधवारी सायबर पोलिसांनी अटक केली. हे सर्व आरोपी समाजमाध्यमांवर एकमेकांच्या संपर्कात होते.

Bulli Bai App: मुस्लिम महिलांचे फोटो टाकत लिलाव करणारं हे प्रकरण नेमकं काय आहे?

दरम्यान बॉलिवूड गीतकार जावेद अख्तर यांनी याप्रकरणी ट्वीट केलं असून १८ वर्षाच्या तरुणीला माफ केलं जावं असं म्हटलं आहे. त्यांनी ट्वीटमध्ये म्हटलं आहे की, “जर बुली बाई हे खरोखरच १८ वर्षाच्या मुलीचं मास्टरमाइंड असेल जिने कॅन्सर आणि करोनामुळे आपले पालक गमावले आहेत तर काही महिला किंवा इतरांनी तिची भेट घेऊन वडिलधाऱ्यांप्रमाणे तिने जे केलं आहे ते चुकीचं असल्याचं समजावून सांगितलं पाहिजे. दया दाखवत तिला माफ केलं पाहिजे”.

मुस्लीम महिलांच्या बदनामीप्रकरणी तिघांना अटक

दरम्यान पोलीस याप्रकरणी आरोपींच्या बँक खात्याची तपासणी करत आहे. याप्रकरणी सायबर पोलीस सखोल तपास करणार असल्याचे मुंबईचे पोलीस आयुक्त हेमंत नगराळे यांनी स्पष्ट केले. तसेच याप्रकरणी कोणाला अधिक माहिती असेल, अशा व्यक्तींनी पोलिसांना माहिती द्यावी, असे आवाहनही नगराळे यांनी केले. इतर राज्यांतील पोलिसांकडून या प्रकरणाबाबत सहकार्य मिळत नसल्याबाबत नगराळे यांनी नाराजी व्यक्त केली.

झा हा बंगळूरु येथील एका प्रसिद्ध महाविद्यालयातील स्थापत्य अभियांत्रिकीच्या द्वितीय वर्षांत शिक्षण घेत होता. त्याची चौकशी केल्यानंतर त्याचा या प्रकरणात सहभाग निष्पन्न झाल्यानंतर त्याला पोलिसांनी अटक केली.

सहा ट्विटर खाती बंद

अटक आरोपी विशालकुमार झा याने गुन्ह्यांत सहा ट्विटर, दोन इन्स्टाग्राम व सात जीमेल खात्यांचा वापर केला आहे. पोलिसांनी त्याला चौकशीसाठी उपस्थित राहण्यासाठी नोटीस बजावल्यानंतर त्याने सहा ट्विटर खाती बंद केल्याचे निष्पन्न झाले आहे.