जम्मू काश्मीरमध्ये बस दरीत कोसळून भीषण अपघात, १० प्रवाशांचा मृत्यू तर ५५ जण जखमी

वरिष्ठ पोलीस अधीक्षक चंदन कोहली यांनी माहिती दिली की या अपघातात १० लोकांचा मृत्यू झाला आहे तर ५५ लोक जखमी झाले आहेत. स्थानिकांच्या मदतीने या ठिकाणी मदत आणि बचावकार्य सुरु करण्यात आलं आहे. जे जखमी झाले आहेत त्या सगळ्यांना जम्मूच्या सरकारी मेडिकल कॉलेज रुग्णालयात दाखल करण्यात आलं आहे. याआधी २१ मे रोजीही जम्मूमध्ये बसचा अपघात झाला होता. त्यावेळी एका महिलेचा मृत्यू आणि २४ जण जखमी झाले होते. आता पुन्हा एकदा असाच एक अपघात झाला आहे. पोलीस आणि मेडिकल पथकंही घटनास्थळी पोहचले आहेत.