वाहतूक कोंडी सोडवण्यासाठी बंगळुरूत स्कायबस सुरू होणार का? गडकरी म्हणाले, “हा उपाय व्यवहार्य…”

VIDEO : नागपूरमध्ये भीषण अपघात; फ्लायओव्हरवरून ८० फूट खाली पडून चौघांचा मृत्यू

बंगळुरूत स्कायबस सुरू करण्यासंदर्भातील अहवाल पुढील तीन महिन्यांमध्ये मिळेल, असे या कार्यक्रमात गडकरी यांनी सांगितले आहे. “आयटी क्षेत्रासाठी बंगळुरू हे एक महत्त्वाचे ठिकाण आहे. शहरातील वाहतूक कोडींच्या समस्येकडे आम्ही गांभीर्याने लक्ष देत आहोत. ही समस्या सोडवण्याचा आमचा प्रयत्न आहे. स्कायबसने १ लाख लोकांनी प्रवास केल्यास वाहतूककोडींची समस्या सुटू शकते”, असे गडकरी या कार्यक्रमात म्हणाले.

पुरामुळे यंदा बंगळुरू शहराला मोठा फटका बसला आहे. मैसुर-बंगळुरू राष्ट्रीय महामार्गालगत असलेल्या नाल्यांमुळे बंगळुरूकरांना पुराचा सामना करावा लागला. या नाल्यांची लवकरच दुरुस्ती केली जाईल, अशी माहिती या कार्यक्रमात गडकरी यांनी दिली. पाच वर्षांमधील सरासरी पर्जन्यमान लक्षात घेऊन हा प्रकल्प राबवला जाणार आहे.

“१२ कोटींची कार, १० लाखांचा सूट आणि दीड लाखांचा चष्मा असलेल्या बनावट फकीराला टी-शर्टचा त्रास!”

गोरागुंटेपाल्यापासून सुरू होणाऱ्या राष्ट्रीय महामार्गाच्या सुधारणेबाबत नितीन गडकरींनी निर्णय घेतल्याची माहिती या कार्यक्रमात कर्नाटकचे मुख्यमंत्री बसवराज बोम्माई यांनी दिली. या महामार्गावरील केबलच्या दुरुस्तीसाठी एजन्सीची नियुक्ती केली जाईल, असे आश्वासनही गडकरींनी दिल्याचे बोम्माई यांनी यावेळी सांगितले. दरम्यान, बंगळुरूमध्ये आलेल्या पुरानंतर मैसुर-बंगळुरु महामार्गावरील गटारांची प्रशासनाकडून तपासणी करण्यात येणार आहे. यासंदर्भात लवकरच उपायोजना केली जाईल, अशी माहिती बोम्माई यांनी दिली आहे.