भारत-कॅनडा तणाव वाढला; पंतप्रधान ट्रुडो म्हणतात, “आम्हाला हे प्रकरण वाढवायचं नव्हतं, फक्त…”!

अवघ्या १० दिवसांपूर्वी दिल्लीत जी २० परिषदेसाठी ट्रुडो उपस्थित होते. यावेळी पंतप्रधान नरेंद्र मोदींसमवेत हस्तांदोलन व परस्पर सहकार्याची चर्चा करताना ते दिसून आले होते. मात्र, दहा दिवसांतच ट्रुडो यांनी भारताच्या उच्चपदस्थ अधिकाऱ्याची कॅनडामधून हकालपट्टी केली आहे. त्यामुळे दोन्ही देशांमधील संबंध ताणले गेले आहेत.

आणखी वाचा

महायुती, मविआ दोघांनाही बंडखोरीचा त्रास; समीर भुजबळ, निर्मला गावित, राजश्री अहिरराव यांची उमेदवारी कायम

Madhurima Raje : सतेज पाटील ज्यांच्यामुळे ढसाढसा रडले…

हिंदू भाविकांवरील हल्ला कॅनडा प्रशासनाचं कारस्थान? व्हायरल Video मध्ये महिलेचा टाहो; म्हणाली, “हाच तो”!

जे बाळासाहेबांचे झाले नाहीत ते राज ठाकरेंचे काय होणार, मनसेचे आमदार राजू पाटील यांचा मुख्यमंत्री शिंदे पिता पुत्रांवर घणाघात

IND vs NZ: “आज भारताला द्रविडची आठवण येत असेल…”, पाकिस्तानी माजी खेळाडूने व्हाईटवॉशनंतर गौतम गंभीरला सुनावलं, IPL रणनितीवर उपस्थित केले प्रश्न

Video: “कॅनडात हिंदूंवर झालेला हा हल्ला म्हणजे…”, अमेरिकन संसदेतील मराठमोळे सदस्य श्री ठाणेदार यांचं परखड भाष्य!

कॅनडात हिंदू मंदिरावर खलिस्तानींचा हल्ला; पंतप्रधान ट्रुडोंचा निषेध!

IND vs NZ : ‘तुम्ही फलंदाजांना दोष देऊ नका…’, मालिका गमावल्यानंतर अनिल कुंबळे रोहित-गौतमवर संतापले

काय म्हणाले जस्टिन ट्रुडो?

जस्टिन ट्रुडो यांनी आपली बाजू मांडताना बचावात्मक पवित्रा घेतला आहे. “हे प्रकरण चिघळवण्याचा किंवा भारताला भडकवण्याचा आमचा कोणताही विचार नव्हता. पण भारत सरकारने या संपूर्ण प्रकरणाकडे गांभीर्यानं पाहाण्याची गरज आहे. आम्ही तेच करत आहोत”, असं ट्रुडो यांनी पत्रकारांना सांगितलं आहे. त्यामुळे आता भारत सरकारकडून या मुद्द्यावर सविस्तर उत्तर येण्याची शक्यता आहे.

“निरर्थक हेत्वारोप”, भारतानं कॅनडाला ठणकावलं; निज्जर हत्या प्रकरणी परराष्ट्र मंत्रालयाचं निवेदन जारी!

आत्तापर्यंत काय घडलं?

दोन दिवसांपूर्वी जस्टिन ट्रुडो यांनी कॅनडाच्या संसदेसमोर सादर केलेल्या निवेदनामध्ये खलिस्तानी समर्थक हरदीप सिंग निज्जर याच्या हत्येप्रकरणात भूमिका मांडली. गेल्या दोन आठवड्यांपासून कॅनडातील तपास यंत्रणा भारत सरकारच्या या सगळ्या प्रकरणात सहभागाविषयी सखोल तपास करत असल्याचं ते निवेदनात म्हणाले. त्यानंतर कॅनडाच्या परराष्ट्रमंत्री मेलेन जॉली यांनी माध्यमांशी बोलताना भारताच्या उच्चपदस्थ अधिकाऱ्याला पदावरून काढलं असल्याचा निर्णय जाहीर केला.

Video: कॅनडाची भारतीय उच्चाधिकाऱ्यांवर कारवाई; हरदीप सिंग निज्जर हत्या प्रकरणात भारताच्या सहभागाचा गंभीर आरोप!

कॅनडाच्या या आरोपांवर भारतानं परखड शब्दांत उत्तर देत हे सर्व आरोप फेटाळून लावले. उलट कॅनडामध्येच खलिस्तानी समर्थकांना आश्रय दिला जात असून त्यावर कॅनडा सरकारनं तातडीने कारवाई करावी, अशी मागणी भारतानं कॅनडाकडे केली आहे. त्यापाठोपाठ जशास जसं उत्तर देत भारत सरकारनंही कॅनडाच्या भारतातील उच्चपदस्थ अधिकाऱ्याची हकालपट्टी केली. आंतरराष्ट्रीय स्तरावर अनेक देशांमधील आंतरराष्ट्रीय संबंधांचे अभ्यासक कॅनडाच्या या कृतीवर तीव्र शब्दांत आक्षेप घेत आहेत.