सिद्धू मुसेवालाच्या आईने आयव्हीएफ नियमांचे पालन केलं नाही? आरोग्य मंत्रालयाने पंजाबला विचारला जाब

केंद्रीय आरोग्य आणि कुटुंब कल्याण मंत्रालयाचे संचालक एस. के. रंजन यांनी पंजाबच्या आरोग्य विभागाचे प्रधान सचिव यांना १४ मार्च रोजी पत्र पाठविले आहे. सहाय्यक पुनरुत्पादन तंत्रज्ञान (नियमन) कायदा, २०२१ अंतर्गत चरण कौर प्रकरणात त्यांनी काय कार्यवाही केली, याबाबतचा खुलासा केंद्राने मागितला आहे.

आणखी वाचा

वर्धा : कर्तव्यात कसुर; मुख्याध्यापक निलंबित; शालेय पोषण आहार विषबाधा प्रकरण

सूर्यप्रकाश भरपूर प्रमाणात असूनही भारतीयांमध्ये ‘Vitamin D’ची कमतरता…

अन्वयार्थ : ‘सांविधानिक भावना दुखावण्या’पल्याड…

“सिंधिया लेडी किलर”, तृणमूलचे खासदार असं का म्हणाले? केंद्रीय मंत्र्याचंही जशास तसं प्रत्युत्तर

आता समुदाय आरोग्य अधिकाऱ्यांच्याही बदल्या होणार

सर्पदंश हा आजार मानला जाणार? कारण काय? याला अधिसूचित आजार घोषित करण्याची मागणी केंद्राकडून का होत आहे?

विश्लेषण : महाराष्ट्रात ४३ मंत्रीच? मंत्रिमंडळात मंत्र्यांची संख्या किती असते? या संख्येवर बंधने का असतात?

विश्लेषण : ‘इंडिया’ आघाडीचे नेतृत्व ममतांकडे? राज्यांतील पराभवानंतर काँग्रेसच्या स्थानाला धक्का…

Video: पहिल्यांदा दुसऱ्या लेकाला पाहताच सिद्धू मुसेवालाच्या आई-वडिलांची होती ‘ही’ रिअ‍ॅक्शन; व्हिडीओ होतोय व्हायरल

या पत्रात रंजन यांनी लिहिले की, आम्हाला माध्यमातील बातम्यामधून समजले की, मुसेवालाची आई चरण कौर यांनी आयव्हीएफ तंत्रज्ञानाचा वापर करून ५८ व्या वर्षी मुलाला जन्म दिला. सहाय्यक पुनरुत्पादन तंत्रज्ञान (नियमन) कायद्याच्या कलम २१ (ग) (१) नुसार आयव्हीएफच्या मदतीने आई होण्यासाठी २१ ते ५० अशी वयोमर्यादा आखून देण्यात आली आहे.

सूत्रांनी दिलेल्या माहितीनुसार, सिद्धू मुसेवालाच्या पालकांनी परदेशात जाऊन आयव्हीएफ तंत्रज्ञानाचे उपचार केले. मुसेवाला दाम्पत्याला मुलगा झाल्यानंतर दुसऱ्याच दिवशी बलकौर सिंग यांनी पंजाब सरकारवर छळवणुकीचा आरोप लावला. माझ्या मुलाच्या जन्माचा पुरावा दाखविण्यासाठी आमच्यावर दबाव टाकला जात आहे. जिल्हा प्रशासनाने आमच्याकडे कागदपत्रांची पूर्तता करण्याचा पिच्छा पुरविला आहे. बलकौर सिंग यांनी नवजात बालकाची कागदपत्रे पुरविण्यासाठी मुख्यमंत्री भगवंत मान यांच्याकडे वेळ मागितला आहे.

IVF द्वारे मूल कसे जन्माला येते? अंडी गर्भात ठेवण्यापूर्वीचा प्रवास डॉक्टरांनी दाखवला; पाहा Video

रविवारी १७ मार्च रोजी बठिंडा येथील जिंदाल रुग्णालयात मुलाचा जन्म झाल्यानंतर पंजाबमधील अनेक राजकीय नेत्यांनी आणि मुसेवालाच्या चाहत्यांनी मुसेवाला दाम्पत्याला शुभेच्छा दिल्या. बलकौर सिंग यांनी सांगितले की, त्यांनी नवजात मुलाचे नाव सुखदीप ठेवलं आहे. सिद्धू मुसेवालाचेही नाव सुखदीप सिंग सिद्धू असे होते.

२० मे २०२२ रोजी सिद्धू मुसेवालाची पंजाबच्या मनसा जिल्ह्यात हत्या झाली होती. या हत्याप्रकरणात एकूण ३१ जणांवर आरोप निश्चित करण्यात आले आहेत. ज्यामध्ये गँगस्टर लॉरेन्स बिश्नोई आणि गोल्डी ब्रार यांचाही समावेश आहे.