जम्मू-काश्मीरमधून लष्कर, अफ्स्पा मागे घेण्याचा विचार; केंद्रीय गृहमंत्री अमित शहा यांचे सूतोवाच  

 जम्मू-काश्मीर येथील ‘गुलिस्तान न्यूज’ला दिलेल्या मुलाखतीत शहा म्हणाले की सैन्य मागे घेण्याची तसेच कायदा व सुव्यवस्था एकटया जम्मू आणि काश्मीर पोलिसांवर सोपवण्याची केंद्राची योजना आहे. दहशतवाद्यांशी होणाऱ्या चकमकीत पोलीसही आघाडीवर असतात. त्यामुळे तेथील पोलीस दलाला आम्ही बळकट करत आहोत.  जम्मू आणि काश्मीरमधील लष्कर टप्प्या-टप्प्याने बराकीकडे परतेल, अशी रचना तयार केली आहे. पुढील सात वर्षांची योजना तयार आहे. दरम्यान, आमच्यात युती झाली तेव्हा अफ्स्पा हा जुलुमी कायदा मागे घेण्याच्या मुद्दयाशी भाजपही  पूर्णपणे सहमत होता, अशी प्रतिक्रिया पीडीपीच्या प्रमुख   महेबूबा मुफ्ती यांनी व्यक्त केली.