न्यायमूर्तीपदी व्हिक्टोरिया गौरी यांच्या नियुक्तीला आव्हान, याचिकेवर सर्वोच्च न्यायालयात आज तातडीने सुनावणी 

गौरी यांना अतिरिक्त न्यायमूर्ती म्हणून नियुक्त करण्याबाबत केंद्र सरकारने काढलेल्या अधिसूचनेकडे लक्ष वेधून ज्येष्ठ वकील राजू रामचंद्रन यांनी नव्याने उल्लेख केलेल्या या प्रकरणाची सरन्यायाधीश धनंजय चंद्रचूड, न्या. पी. एस. नरसिंह आणि न्या. जे. बी. पारडीवाला यांच्या खंडपीठाने दखल घेतली. ‘‘आम्ही या घडामोडीची दखल घेतली. असून याचिकेची सुनावणी मंगळवारी सकाळी ठेवू शकतो. त्यासाठी खंडपीठही स्थापन केले जाऊ शकते, असे याचिका पुन्हा मांडण्यात आल्यानंतर खंडपीठाने सांगितले. यापूर्वी, गौरी यांच्या नियुक्तीला आव्हान देणाऱ्या याचिकेवर १० फेब्रुवारीला सुनावणी घेण्याची तयारी न्यायालयाने दर्शवली होती.

आणखी वाचा

संविधान बदलण्याची कुणाची हिंमत नाही – केंद्रीय मंत्री नितीन गडकरी

२१ नोव्हेंबर पंचांग: वर्षातील शेवटचा गुरुपुष्यामृत योग कोणत्या…

Supriya Sule: “भाजपाकडून रडीचा डाव, अजित पवारांनीही दिली कबुली”, तुतारी-पिपाणीवरुन सुप्रिया सुळेंची सत्ताधाऱ्यांवर टीका

Supreme Court : “स्वत:च्या पायावर उभे राहा”, शरद पवारांचे फोटो न वापरण्याची अजित पवारांना सर्वोच्च न्यायालयाची ताकीद

नवाब मलिक यांचा जामीन रद्द करा ,मागणीसाठी उच्च न्यायालयात याचिका; जामिनाच्या अटींचे उल्लंघन केल्याचा दावा

वणीत भाजपमागे शुक्लकाष्ठ, कुणबी वक्तव्यानंतरचे बॅग तपासणी प्रकरण अंगलट येण्याची शक्यता

चंद्रचूड यांच्या कार्यकाळात सत्तासंघर्षाचा निकाल लांबणीवर पडणे अतर्क्य ; सिंघवी

“पंतप्रधान मोदी म्हणजे ‘झुटों के सरदार’, त्यांनी हेच लाल संविधान…”; ‘त्या’ टीकेला मल्लिकार्जून खरगेंचं प्रत्युत्तर!

 न्यायालयाच्या सोमवारच्या पहिल्या सत्रात या याचिकेची प्रथम दखल घेण्यात आली. त्यानंतर ११ वकिलांसह दोन न्यायिक अधिकाऱ्यांची अलाहाबाद, कर्नाटक आणि मद्रास उच्च न्यायालयात अतिरिक्त न्यायमूर्तीपदी नियुक्ती करण्याबाबतची केंद्र सरकारची अधिसूचना जाहीर झाली. यापैकी मद्रास उच्च न्यायालयातील वकील लक्ष्मणा चंद्र व्हिक्टोरिया गौरी यांच्या भाजपशी असलेल्या कथित संबंधांमुळे वाद उद्भवला आहे.

प्रकरण काय?

मद्रास उच्च न्यायालयातील वकील लक्ष्मणा चंद्र व्हिक्टोरिया गौरी यांची नियुक्ती मद्रास उच्च न्यायालयात अतिरिक्त न्यायमूर्तीपदी करण्यात आली आहे. मदुराई खंडपीठापुढे केंद्र सरकारची बाजू मांडणाऱ्या गौरी यांची भाजपशी जवळीक असल्याचा आरोप करीत नियुक्तीला आव्हान देण्यात आले आहे.