चांद्रयान २ च्या अपयशाने रडू कोसळलं, Chandrayaan 3 चं यश पाहून माजी इस्रो प्रमुख म्हणाले…

भारताची चांद्रयान-२ मोहीम अपयशी ठरली होती. त्यामुळे या मोहिमेकडून भारतीयांना आणि इस्रोच्या वैज्ञानिकांना खूप अपेक्षा होत्या. आम्ही चांद्रयान २ च्या अपयशातून खूप काही शिकलो आहोत असं इस्रोच्या वैज्ञानिकांनी म्हटलं होतं. इस्रोचे वैज्ञानिक जसं बोलले होते, तेच त्यांनी करून दाखवलं. भारताचे वैज्ञानिक त्यांच्यावर दाखवलेल्या विश्वासावर खरे उतरले असून त्यांनी चांद्रयान ३ चं चंद्रावर यशस्वी लँडिंग केलं आहे.

आणखी वाचा

लक्षवेधी लढत : मुनगंटीवार यांच्यासमोर कडवे आव्हान

Nana Patole : निकालाआधी राजकीय घडामोडींना वेग; यातच…

‘पुष्पा’साठी राष्ट्रीय पुरस्कार घेताना अल्लू अर्जुन दु:खी का होता? स्वत: सांगितलं कारण

लक्षवेधी लढत : यशोमती ठाकूर यांच्यासमोर भाजपचे आव्हान

‘बटेंगे तो कटेंगे’, ‘एक हैं तो सेफ हैं’, योगी आदित्यनाथ यांची घोषणा

बुलढाण्यात संजय गायकवाड यांच्यासमक्ष जयश्री शेळकेंचे तुल्यबळ आव्हान; कोण बाजी मारणार?

भुवनेश्वरी आणि चारुलताच्या गोंधळात अक्षराच वेडी ठरणार; नेटकरी म्हणाले, “शिक्षिका असून सुद्धा…”

इस्रोने चांद्रयान मोहीम राबवली तेव्हा के. सिवन हे इस्रोचे प्रमुख होते. ही मोहीम अपयशी ठरली तेव्हा के. सिवन यांना रडू कोसळलं होतं. सिवन यांचं रडणं आणि पंतप्रधान नरेंद्र मोदी यांनी त्यांना मिठी मारून सावरणं, धीर देणं, तो क्षण भारतीय नागरिक विसरले नाहीत. इस्रोने त्याच अपयशातून वाट काढून नवी चांद्रमोहीम यशस्वी करून दाखवली आहे. सिवन हे आता निवृत्त झाले आहेत. त्यांच्या जागी एस. सोमनाथ हे इस्रोचे अध्यक्ष आहेत.

हे ही वाचा >> Chandrayaan 3 : मोहिमेवरील खर्च किती? लँडिंगनंतर पुढे काय? जाणून घ्या सगळ्या प्रश्नांची उत्तरं

दरम्यान, इस्रोच्या चांद्रयान-३ मोहिमेचं यश पाहून माजी इस्रोप्रमुख के. सिवन यांनी आनंद व्यक्त केला आहे. सिवन म्हणाले, अनेक वर्षांपासून आम्ही या क्षणाची वाट पाहत होतो. या यशाबद्दल त्यांनी संपूर्ण देशाचं अभिनंदन केलं आहे. या मोहिमेला पाठिंबा दिल्याबद्दल सिवन यांनी सरकारचे आभार मानले आहेत. तसेच ते म्हणाले, हे केवळ इस्रोचं यश नसून संपूर्ण देशाचं यश आहे.