Chandrayaan-3 : ...अन् प्रज्ञान रोव्हरच्या वाटेत भला मोठा खड्डा आला, इस्रोने जारी केले नवीन फोटो

ISRO Chandrayaan 3 Rover Photo : चंद्राच्या पृष्ठभागावर फिरणाऱ्या प्रज्ञान रोव्हरच्या वाटेत एक मोठा खड्डा आला. या खड्ड्याचे फोटो इस्रोने शेअर केले आहेत.

चंद्राच्या पृष्ठभागावार प्रज्ञान रोव्हरचा फेरफटका (PC : ISRO Twitter)

Chandrayaan 3 Pragyan Rover : भारताची चांद्रमोहीम यशस्वी ठरली आहे. विक्रम लँडरच्या मदतीने इस्रोने चांद्रयान-३ हे चंद्राच्या पृष्ठभागावर यशस्वीरित्या उतरवलं आहे. त्यानंतर आता विक्रम लँडर दररोज चंद्रावरील नवनवीन अपडेट्स देत आहे. चंद्रावरील फोटो, प्रज्ञान रोव्हरचे व्हिडीओ यासह इतर माहिती इस्रोच्या मुख्यालयाला मिळत आहे. दरम्यान, भारतीय अंतराळ संशोधन संस्थेच्या (इस्रो) चांद्रयान-३ च्या विक्रम लँडरने चंद्रावरील तापमानाची माहिती दिली आहे. विक्रम लँडरच्या मॉडय़ूलवरील ‘चेस्ट’ पेलोडद्वारे चंद्राच्या पृष्ठभागावरील मोजलेल्या तापमानातील फरकाचा आलेख रविवारी सायंकाळी प्रसिद्ध करण्यात आला. ‘‘विक्रम लँडरवरील ‘चेस्ट’ पेलोडने तापमानाबाबत दिलेली ही पहिली माहिती आहे’’ असं इस्रोने म्हटलं आहे.

पेलोडवर तापमान मोजण्यासाठी एक यंत्र असून ते पृष्ठभागाच्या १० सेंटीमीटर खोल जाण्यास सक्षम आहे. इस्रोने दिलेल्या माहितीनुसार ‘चंद्र सरफेस थर्मो फिजिकल एक्सपेरिमेंट’ने (चेस्ट) चंद्राच्या पृष्ठभागावरील तापमानाची माहिती घेण्यासाठी दक्षिण ध्रुव्राच्या पृष्ठभागावरील मातीचं परिक्षण केलं. इस्रोने ट्विटरवर याची माहिती दिली आहे. या माहितीनुसार चंद्रावरील तापमान कधी उणे १० अंश सेल्सिअस तर कधी ७० अंश सेल्सिअस इतकं नोंदवण्यात आलं आहे. इस्रोने सांगितलं की, यामध्ये तापमान मोजण्यासाठी १० सेन्सर्स लावण्यात आले आहेत.

आणखी वाचा

Swara bhaskar photo with Sajjad Nomani Troll

Swara Bhaskar: ‘व्होट जिहाद’चा उल्लेख केलेल्या सज्जाद नोमानींसह स्वरा भास्करचा फोटो पाहून नेटिझन्सनी उडवली खिल्ली

Eknath Shinde on Ladki Bahin Yojana Sixth installment

महायुतीला सत्ता मिळाली, लाडक्या बहिणींना २१०० रुपये कधीपासून…

‘या’ किल्ल्यावरील अंडाकृती खडकाखाली दडलंय काय?

आम्ही डॉक्युमेण्ट्रीवाले: कोडे सोडवण्याची गंमत…

‘नवरी मिळे हिटलरला’ मालिकेतील अभिनेत्रीने शेअर केले बालपणीचे गोंडस फोटो; नेटकरी म्हणाले, “अशीच आयुष्यभर…”

Maharashtrachi Hasyajatra fame prithvik pratap reaction on prajakta mali phullwanti movie

‘महाराष्ट्राची हास्यजत्रा’च्या सेटवर ‘फुलवंती’ चित्रपटाची चर्चा, प्राजक्ता माळीने शेअर केला व्हिडीओ; पृथ्वीक प्रताप म्हणाला, “मला फुलवंती पेक्षा जास्त…”

‘पुन्हा सही रे सही’ नाटकातील अभिनेत्रीचं थाटामाटात पार पडलं लग्न! यापूर्वी लोकप्रिय मालिकेत साकारलेली भूमिका, पाहा फोटो

दरम्यान, सोमवारी (२८ ऑगस्ट) इस्रोने प्रज्ञान रोव्हरचे काही फोटो शेअर केले. प्रज्ञान रोव्हर चंद्राच्या पृष्ठभागावर फिरत असताना रोव्हरच्या वाटेत एक मोठा खड्डा (Crater) आला होता. सुदैवाने प्रज्ञान रोव्हरने खड्ड्यामुळे आपला मार्ग बदलला आणि रोव्हर सुरक्षितपणे त्याच्या बेसवर परतला आहे.

Chandrayaan-3 Mission:

On August 27, 2023, the Rover came across a 4-meter diameter crater positioned 3 meters ahead of its location.
The Rover was commanded to retrace the path.

It's now safely heading on a new path.#Chandrayaan_3 #Ch3 pic.twitter.com/QfOmqDYvSF
— ISRO (@isro) August 28, 2023

हे ही वाचा >> Aditya L1 : सूर्याच्या किती जवळ जाणार ‘इस्रो’चं अवकाशयान? सौरमोहिमेद्वारे भारत कोणतं संशोधन करणार?

इस्रोने या खड्ड्याचे फोटो ट्विटरवर शेअर केले आहेत. इस्रोने म्हटलं आहे की, चांद्रयान ३ मोहिमेतील प्रज्ञान रोव्हर २७ ऑगस्ट रोजी चंद्राच्या पृष्ठभागावर फिरत असताना रोव्हर एका मोठ्या खड्ड्याजवळ पोहोचला. त्यानंतर रोव्हरला मागे वळण्याची सूचना (कमांड) देण्यात आली. त्यानंतर रोव्हर सुरक्षितपणे माघारी परतला आहे. प्रज्ञान रोव्हरच्या चाकांचे ठसे चंद्राच्या पृष्ठभागावर उमटले आहेत. या ठशांचा एक फोटो इस्रोने ट्विटरवर शेअर केला आहे.

First published on: 28-08-2023 at 19:14 IST

Web Title: Chandrayaan 3 isro images of lunar crater infront of pragyan rover asc

Chandrayaan-3 : …अन् प्रज्ञान रोव्हरच्या वाटेत भला मोठा खड्डा आला, इस्रोने जारी केले नवीन फोटो