काँग्रेस नेते धार्मिक मुद्यांवर का बोलत नाहीत? मुख्यमंत्री भूपेश बघेल म्हणाले…

मुख्यमंत्री भूपेश बघेल यांना यावेळी विचारण्यात आलं की, तुम्ही धर्माच्या विषयावर बोलताना दिसता, परंतु, बहुतांश काँग्रेसचे नेते, वेगवेगळ्या राज्यातील काँग्रेसचे मुख्यमंत्री आणि मंत्री धार्मिक मुद्दे, लोकांच्या आस्था याबद्दल बोलताना संकोचतात, असं नेमकं का होतंय? त्यावर मुख्यमंत्री बघेल म्हणाले, काँग्रेस नेत्यांची ही प्रतिमा तुम्ही प्रसारमाध्यमांनीच बनवली आहे. तुम्ही म्हणताय तसं जर असतं तर हिमाचल प्रदेशमध्ये आमची सत्ता आलीच नसती. हे राज्य लोकसंख्येच्या प्रमाणात सर्वाधिक हिंदू असलेलं राज्य आहेत, तुम्ही म्हणताय तसं काही असतं तर तिथे कधीच काँग्रेसची सत्ता आली नसती. आम्ही तिथे फिरलो, तिथल्या मंदिरांमध्ये गेलो. काँग्रेसच्या सरचिटणीस प्रियांका गांधींनी तिथल्या मंदिरांमध्ये जाऊन दर्शन घेतलं.

आणखी वाचा

महाविकास आघाडीचा जाहीरनामा केवळ घोषणा, बावनकुळेंची टीका

Devendra Fadnavis Income : उपमुख्यमंत्र्यांची एकूण संपत्ती किती?…

Sharad Pawar : “सत्ता फार लवकर डोक्यात गेली”, शरद पवारांचा धनंजय मुंडेंना टोला; म्हणाले, “अडचणींच्या काळात…”

Sanjay Singh: आपचे राष्ट्रीय प्रवक्ते संजय सिंह म्हणतात, “हम ना बटेंगे ना कटेंगे; हम भाजप को लपेटेंगे”

“जयंत पाटील आतल्या गाठीचे, त्यांनी…”, अजित पवार गटाकडून टीका; म्हणाले, ‘यावेळी त्यांचा करेक्ट कार्यक्रम करणार’

Ramesh Chennithala : “हरियाणाच्या निवडणुकीतून खूप शिकायला मिळालं, त्यामुळे ८० टक्के बंडखोरांनी…”, रमेश चेन्निथला यांचं महाराष्ट्राच्या निवडणुकीबाबत मोठं भाष्य

“सुप्रिया सुळे सत्ताधाऱ्यांवर टीका करतात तेव्हा त्यांचे पती सदानंद सुळेंना…”, शरद पवार यांचे धक्कादायक विधान

नक्षलवादी संविधानाला मानत नाही; भाजपलाही संविधान संपवायचे आहे – छत्तीसगड माजी मुख्यमंत्री भूपेश बघेल

मुख्यमंत्री भूपेश बघेल म्हणाले, आम्ही केवळ मतांसाठी हिंदू नाही, आम्ही देशातल्या सगळ्या जनतेला बरोबर घेऊन पुढे जात आहोत. अनेक लोक रोजा (मुस्लीम समुदायाची रमजान महिन्यातील उपवासाची प्रथा) ठेवायला, इफ्तार पार्टी करायला घाबरतात. परंतु, आम्ही आमच्या छत्तीसगडमध्ये ते करतो. छत्तीसगडमध्ये आदिवासी लोकांसाठी आम्ही मंदिरं उभारली आहेत. दरवर्षी आमच्या राज्यात आदिवासी नृत्य महोत्सवाचं आम्ही आयोजन करतो. जगभरातील कित्येक देशांमधील लोक तिथे येतात.

भूपेश बघेल म्हणाले, आम्ही सगळ्यांना एकत्र करून पुढे चाललो आहोत. आमचं त्यांच्यासारखं (भाजपा) एकतरफी प्रकरण नाही. त्यांना केवळ फोडा आणि राज्य करा, असंच वागायचं आहे. पंरतु, काँग्रेसचे विचार तसे नाहीत. राहुल गांधी काय म्हणतात तुम्हाला माहिती आहे ना? ते म्हणतात तिरस्कार सोडा भारत जोडा (नफरत छोडो, भारत जोडो), तुम्ही (भाजपा) काय केलं? तुमही केवळ हिंसा आणि घृणा पसरवण्याचं काम करत आहात. लोकांमध्ये फूट पाडा आणि त्यांची मतं मिळवा एवढंच सुरू आहे.

हे ही वाचा >> “दरवाजा उघडलाय, आता…”, कॅनेडियन अंतराळवीराचं Chandrayaan 3 बद्दल मोठं वक्तव्य; म्हणाले, “भारतीय लोक…”

भूपेश बघेल म्हणाले, हे लोक (भाजपा) केवळ लोकांमध्ये फूट पाडत आहेत. फोडा आणि राज्य करा असंच सुरू आहे. त्यामुळे तो ट्रेनमधील रेल्वेचा जवान, त्याच्या वरिष्ठाला गोळ्या घालून डब्ब्यांमध्ये फिरला आणि त्याने शोधून, निवडून काही लोकांना गोळ्या घातल्या. हे का झालं? तर तुम्ही (भाजपा) सातत्याने लोकांच्या डोक्यात आणि मनात विष कालवताय.