‘एकनाथ शिंदेंप्रमाणे आमदार फोडा आणि मुख्यमंत्री व्हा’ अशी ऑफर छत्तीसगडचे कोळसा व्यापारी सूर्यकांत तिवारी यांना आयकर विभागाच्या अधिकाऱ्यांनी दिल्याचा दावा केलाय. आयकर विभागाचे छापे पडल्यानंतर सूर्यकांत यांनीच हे आरोप केले आहेत. राज्यामध्ये सत्तांतर घडवून आणण्याचा कट रचला जात असून छापेमारीच्या माध्यमातून हे प्रयत्न सुरु असल्याचा आरोप त्यांनी केलाय. ३० जून रोजी आपल्या मालमत्तेवर आयकर विभागाने छापेमारी केली. यावेळेस काही अधिकाऱ्यांनी आपल्यावर दबाव टाकून राज्यातील ४० ते ४५ आमदारांची यादी तयार करावी असं सांगितल्याचा दावा सुर्यकांत यांनी केलाय. काही अपक्ष आमदारांच्या मदतीने राज्यात सत्तापालट घडवून आणावा. असं केल्यास तुम्हाला मुख्यमंत्री केलं जाईल, अशी ऑफर देण्यात आल्याचं सूर्यकांत यांनी म्हटलंय. मी छत्तीसगडमधील एकनाथ शिंदे व्हावं म्हणून आयकर विभागाच्या अधिकाऱ्यांनी साऱ्या गोष्टी करुन पाहिल्याचा आरोप सूर्यकांत यांनी केला आहे.

नक्की पाहा >> Photos: “मला वाटतं त्यांचं…”; २०० जागा जिंकण्याच्या CM शिंदेंच्या दाव्यावर शरद पवारांची प्रतिक्रिया ऐकून पिकला एकच हशा

डॉ. रमण सिंह या साऱ्या प्रकरणाला राजकीय रंग देत आहेत. आयकर विभागाच्या अधिकाऱ्यांनी तीन दिवस आपल्याला सुखाने झोपू दिलं नाही. आपला मानसिक छळ करण्यात आल्याचा दावा सूर्यकांत यांनी केलाय. आयकर विभागाच्या अधिकाऱ्यांनी मुख्यमंत्र्याच्या सचिवालयामधील उपसचिव सौम्या चौरसियाचं नाव तुमच्या कोळसा उद्योगाशी संबंधित आहे असं दाखवावं, यासाठी आपल्यावर दबाव निर्माण केल्याचा आरोप सूर्यकांत यांनी केलाय. सौम्या चौरसिया आणि सूर्यकांत यांचे कौटुंबिक संबंध असून याच कारणामुळे त्यांना लक्ष्य करण्यात आल्याचंही सांगितलं जातंय. रायपूरमध्ये प्रसारमाध्यमांशी बोलताना सूर्यकुमार यांनी हे आरोप केलेत.

या बातमीसह सर्व प्रीमियम कंटेंट वाचण्यासाठी साइन-इन करा
Skip
या बातमीसह सर्व प्रीमियम कंटेंट वाचण्यासाठी साइन-इन करा

नक्की वाचा >> एकनाथ शिदेंच्या बंडासंदर्भात बोलता बोलता अजित पवारांना आठवला पहाटेचा शपथविधी; म्हणाले, “मी जेव्हा शपथ घेतली…”

आणखी वाचा

आयकर विभागाच्या अधिकाऱ्यांनी सूर्यकुमार यांना तुमच्या कोळसा उद्योगाशी सौम्या चौरसियांचं नाव जोडलं तर आम्ही तुम्हाला छत्तीसगडचे एकनाथ शिंदे करु, अशी ऑफर दिली. सूर्यकांत यांनी आण केवळ एक उद्योगपती असल्याचं या अधिकाऱ्यांना सांगितल्याचा दावा केलाय. यानंतर अधिकाऱ्यांनी आपल्याला मारहाण केल्याचा आरोपही सूर्यकांत यांनी केलाय. आपण मेहनत करुन इथपर्यंत आलोय. मेहनत करुन यशस्वी होणं हा काही अपराध नाहीय, असं आपली बाजू मांडताना सूर्यकांत यांनी म्हटलंय.

नक्की वाचा >> “तुमचा मुलगा, मुलगी किंवा पुतण्याच तुमच्या पक्षातील पुढील ‘एकनाथ शिंदे’ ठरु शकतो”; मोदींवरील टीकेनंतर भाजपाचा इशारा

छत्तीसगडमध्ये आयकर विभागाने ३० जून रोजी कोळसा परिवहन आणि त्यासंदर्भात व्यवसाय असणाऱ्या सूर्यकांत यांच्या उद्योगसमूहावर छापेमारी केली होती. यावेळेस आयकर विभागाने ९ कोटी ५० लाख रुपयांची रोख रक्कम आणि साडेचार कोटी रुपयांच्या मौल्यवान वस्तू जप्त केल्या होत्या. याशिवाय कोट्यावधी रुपयांच्या करचोरीचाही खुलासा करण्यात आला होता. या साऱ्या प्रकरणामध्ये एका वरिष्ठ अधिकाऱ्याबरोबरच कोळसा उद्योजक सूर्यकांत तिवारी यांचं नाव समोर आलं होतं.

नक्की वाचा >> अजित पवारांचं बंड मोडण्यात तुम्हाला यश आलेलं मग उद्धव ठाकरे बंड का मोडू शकले नाहीत?; शरद पवार म्हणाले, “आमच्यात काही…”

या प्रकरणानंतर छत्तीसगडमधील आयकर विभागाकडून केल्या जाणाऱ्या कारवायांमागे राजकीय हेतू असल्याचे आरोप करण्यात आले आणि त्याचदरम्यान सूर्यकांत तिवारी यांचं नाव चर्चेत आलं. यानंतर आता काँग्रेस आणि भाजपाकडून सूर्यकांत तिवारी हे कशाप्रकारे परस्पर विरोधी पक्षाला मदत करतात हे दाखवण्याचा प्रयत्न केला जातोय. सोशल मीडियावरही भाजपा आणि काँग्रेसचे वरिष्ठ नेते सूर्यकांत तिवारी कशाप्रकारे विरोधी पक्षाच्या बाजूने आहे हे दाखवणारे फोटो आणि पोस्ट केल्या आजत आहेत.

नक्की वाचा >> नागपूरमधील फडणवीसांच्या बॅनर्सवरुन अमित शाहांचे फोटो गायब; शरद पवारांना विचारलं असता म्हणाले, “त्याच्यात कोणाचा फोटो…”

काँग्रेसचे नेते सुशील आनंद शुक्ला यांनी सूर्यकांत यांच्या दाव्यांवरुन भाजपा कशाप्रकारे सरकार पाडण्यासाठी धडपड करत आहे हे उघड होत असल्याचा टोला लगावलाय. तर भाजपाचे प्रवक्ते संजय श्रीवास्तव यांनी भूपेश बघेल यांच्या सांगण्यावरुन हा कट रचण्यात आल्याचा दावा केलाय.

नक्की वाचा >> एकनाथ शिदेंच्या बंडासंदर्भात बोलता बोलता अजित पवारांना आठवला पहाटेचा शपथविधी; म्हणाले, “मी जेव्हा शपथ घेतली…”

आणखी वाचा

आयकर विभागाच्या अधिकाऱ्यांनी सूर्यकुमार यांना तुमच्या कोळसा उद्योगाशी सौम्या चौरसियांचं नाव जोडलं तर आम्ही तुम्हाला छत्तीसगडचे एकनाथ शिंदे करु, अशी ऑफर दिली. सूर्यकांत यांनी आण केवळ एक उद्योगपती असल्याचं या अधिकाऱ्यांना सांगितल्याचा दावा केलाय. यानंतर अधिकाऱ्यांनी आपल्याला मारहाण केल्याचा आरोपही सूर्यकांत यांनी केलाय. आपण मेहनत करुन इथपर्यंत आलोय. मेहनत करुन यशस्वी होणं हा काही अपराध नाहीय, असं आपली बाजू मांडताना सूर्यकांत यांनी म्हटलंय.

नक्की वाचा >> “तुमचा मुलगा, मुलगी किंवा पुतण्याच तुमच्या पक्षातील पुढील ‘एकनाथ शिंदे’ ठरु शकतो”; मोदींवरील टीकेनंतर भाजपाचा इशारा

छत्तीसगडमध्ये आयकर विभागाने ३० जून रोजी कोळसा परिवहन आणि त्यासंदर्भात व्यवसाय असणाऱ्या सूर्यकांत यांच्या उद्योगसमूहावर छापेमारी केली होती. यावेळेस आयकर विभागाने ९ कोटी ५० लाख रुपयांची रोख रक्कम आणि साडेचार कोटी रुपयांच्या मौल्यवान वस्तू जप्त केल्या होत्या. याशिवाय कोट्यावधी रुपयांच्या करचोरीचाही खुलासा करण्यात आला होता. या साऱ्या प्रकरणामध्ये एका वरिष्ठ अधिकाऱ्याबरोबरच कोळसा उद्योजक सूर्यकांत तिवारी यांचं नाव समोर आलं होतं.

नक्की वाचा >> अजित पवारांचं बंड मोडण्यात तुम्हाला यश आलेलं मग उद्धव ठाकरे बंड का मोडू शकले नाहीत?; शरद पवार म्हणाले, “आमच्यात काही…”

या प्रकरणानंतर छत्तीसगडमधील आयकर विभागाकडून केल्या जाणाऱ्या कारवायांमागे राजकीय हेतू असल्याचे आरोप करण्यात आले आणि त्याचदरम्यान सूर्यकांत तिवारी यांचं नाव चर्चेत आलं. यानंतर आता काँग्रेस आणि भाजपाकडून सूर्यकांत तिवारी हे कशाप्रकारे परस्पर विरोधी पक्षाला मदत करतात हे दाखवण्याचा प्रयत्न केला जातोय. सोशल मीडियावरही भाजपा आणि काँग्रेसचे वरिष्ठ नेते सूर्यकांत तिवारी कशाप्रकारे विरोधी पक्षाच्या बाजूने आहे हे दाखवणारे फोटो आणि पोस्ट केल्या आजत आहेत.

नक्की वाचा >> नागपूरमधील फडणवीसांच्या बॅनर्सवरुन अमित शाहांचे फोटो गायब; शरद पवारांना विचारलं असता म्हणाले, “त्याच्यात कोणाचा फोटो…”

काँग्रेसचे नेते सुशील आनंद शुक्ला यांनी सूर्यकांत यांच्या दाव्यांवरुन भाजपा कशाप्रकारे सरकार पाडण्यासाठी धडपड करत आहे हे उघड होत असल्याचा टोला लगावलाय. तर भाजपाचे प्रवक्ते संजय श्रीवास्तव यांनी भूपेश बघेल यांच्या सांगण्यावरुन हा कट रचण्यात आल्याचा दावा केलाय.