छोटा राजनला आजच भारतात आणण्याची शक्यता

विविध गुन्ह्यात राजन भारताल हवा आहे. त्याचा ताबा घेण्यासाठी परवानगी मिळावी, यासाठी एक अर्ज सीबीआयने इंडोनेशियन सरकारला सादर केला होता. त्यानंतर राजनैतिक विभागाचे प्रथम सचिव संजीवकुमार अग्रवाल यांनी बाली येथील कोठडीत राजनची सुमारे अर्धा तास भेट घेतली होती. राजनला ताब्यात घेण्यासाठी इंडोनेशियात गेलेल्या पथकात सीबीआयचे अधिकारी, मुंबई पोलीस आणि दिल्ली पोलीसांतील अधिकाऱ्यांचा समावेश आहे. राजनविरोधात मुंबई पोलिसात किमान ७५ तर दिल्ली पोलिसात किमान सहा गुन्हे दाखल आहेत. सीबीआय ही इंटरपोलची भारतातील संपर्क संस्था असल्याने त्यांचे अधिकारी पथकात आहेत. नंतर त्याला मुंबई पोलिसांच्या ताब्यात दिले जाणार आहे. मुंबई पोलिसात त्याच्याविरोधात खुनाचे वीस गुन्हे दाखल असून, दहशतवाद व विध्वंसक कारवाया प्रतिबंधक कायद्यानुसार चार गुन्हे दाखल आहेत. महाराष्ट्र संघटित गुन्हे नियंत्रण कायद्यानुसार वीस गुन्हे दाखल आहेत.