प्रदूषण कमी करण्यासाठी दिल्लीत देशातील पहिल्या ‘स्मॉग टावर’ची उभारणी!

दिल्ली मंत्रिमंडळाने ऑक्टोबर २०२० मध्ये या योजनेला मंजुरी दिली होती. मात्र करोना संकटामुळे हा टॉवर उभारण्यास विलंब झाला. दुसरीकडे टॉवरची कार्यक्षमता पाहण्यासाठी दोन वर्षे निरीक्षण केलं जाणार आहे. याबाबतचा अहवाल दिल्ली सरकारला सोपवला जाणार आहे. हा प्रयोग यशस्वी ठरल्यास काही भागात या टॉवरची उभारणी केली जाणार आहे. दिल्लीतील प्रदूषण कमी करण्यासाठी या योजनेकडे मोठ्या आशेनं पाहिलं जात आहे.

“दिल्लीतील प्रदूषण रोखण्यासाठी देशातील पहिल्या स्मॉग टॉवरची उभारणी करण्यात आली आहे. यामुळे १ चौरस किमीतील हवेतील प्रदूष रोखण्यास मद होणार आहे. हा टॉवर प्रायोगिक तत्वावर उभारण्यात आला आहे. या टॉवरच्या कार्यक्षमता आयआयटी दिल्ली आणि आयआयटी मुंबईच्या माध्यमातून तपासली जाणार आहे”, असं दिल्लीचे मुख्यमंत्री अरविंद केजरीवाल यांनी सांगितलं.