Cocain Seized in Delhi : दिल्ली पोलिसांच्या स्पेशल सेलने गुरुवारी अंमली पदार्थांच्या तस्करीचा पर्दाफाश केला आहे. रमेश नगर भागात असलेल्या एका गोदामातून सुमारे २०० किलोग्राम कोकेन जप्त करण्यात आले असून याची किंमत २००० कोटी रुपये आहे. इंडिया टुडेने यासंदर्भातील वृत्त दिलं आहे.

कोकेनची वाहतूक करण्यासाठी वापरण्यात येणाऱ्या कारमध्ये जीपीएस असल्याने ड्रग्ज सिंडिकेटचा पर्दाफाश झाला. पोलिसांनी त्यांचे ऑपरेशन करण्यासाठी जीपीएस लोकेशन ट्रॅक केले आणि ड्रग्ज जप्त केले, असे पोलिसांनी सांगितले. पोलिसांनी दिलेल्या माहितीनुसार, जप्त केलेली औषधे स्नॅक पॅकेटमध्ये लपवून ठेवण्यात आली होती. दिल्लीत कोकेन आणल्याचा आरोप असलेला माणूस लंडनला पळून गेला आहे, असे सूत्रांनी इंडिया टुडे टीव्हीला सांगितले.

आणखी वाचा
Guhagar Anjanvel Jetty, Nine persons caught smuggling diesel, Ratnagiri, smuggling diesel,
रत्नागिरी : गुहागर अंजनवेल जेटीवर डिझेल तस्करी करणाऱ्या नऊ जणांना पकडले, दोन कोटीपेक्षा जास्त किमतीचा मुद्देमाल जप्त
Nana Patole On Devendra Fadnavis :
Nana Patole : निकालाआधी राजकीय घडामोडींना वेग; यातच…
in pune katraj person with country made pistol arrested by Crime Branchs Anti Robbery Squad
पिस्तूल बाळगणारा सराइत गजाआड, कात्रज बाह्यवळण रस्ता परिसरात कारवाई
scammer pretending to be police officer calls real cop
‘शिकारी खुद यहां शिकार हो गया’, सायबर चोरट्याचा पोलिसाला गंडा घालण्याचा प्रयत्न; नंतर झालं असं काही
cyber fraudsters, Eight people arrested ,
सायबर फसवणूक करणाऱ्यांना मदत केल्याप्रकरणी आठ जणांना अटक
pimpri chinchwad cyber police busted gang operating through China, Nepal crime news
चीन, नेपाळमधून सायबर फसवणूक करणाऱ्या टोळीचा पर्दाफाश
the survey team of the administration seized gold worth 35 lakhs In Ratnagiri
रत्नागिरीत प्रशासनाच्या सर्वेक्षण पथकाने ३५ लाखांचे सोने पकडले

काही दिवसांपूर्वी टाकली होती ५ हजार कोटींची धाड

यापूर्वी ५६० किलो कोकेन आणि ४० किलो हायड्रोपोनिक गांजा जप्त करण्यात आला होता. याची किंमत अंदाजे ५ हजार ६२० कोटी रुपये आहे. दक्षिण दिल्लीतील महिपालपूर येथील एका गोदामातून २ ऑक्टोबर रोजी ही धाड टाकण्यात आली होती.

तुषार गोयल (४०), हिमांशू कुमार (२७) आणि औरंगजेब सिद्दीकी (२३) आणि भरत कुमार जैन (४८) या चौघांना घटनास्थळी अटक करण्यात आली, तर इतर दोघांना अमृतसर आणि चेन्नई येथून ताब्यात घेण्यात आले. अखलाक या आणखी एका व्यक्तीला उत्तर प्रदेशातील हापूर येथून आदल्या दिवशी अटक करण्यात आली होती. पोलिसांनी दिलेल्या माहितीनुसार, अखलाक उत्तर भारतात अमली पदार्थांची वाहतूक करण्यास मदत करायचा.

हेही वाचा >> Atishi : दिल्लीच्या मुख्यमंत्री आतिशी यांचं ‘वर्क फ्रॉम होम’, म्हणाल्या; “फेकलेलं सामान…”

दिल्ली पोलिसांनी ५ हजार ६२० कोटी रुपयांच्या ड्रग कार्टेलमध्ये सहभागी असल्याचा संशय असलेल्या भारतीय वंशाच्या दुबईस्थित व्यावसायिक वीरेंद्र बसोया विरुद्ध लुकआउट परिपत्रक (LOC) जारी केले आहे.