‘देशाला पंतप्रधानांचं घर नको, श्वास पाहीजे’; राहुल गांधींची पंतप्रधान मोदींवर टीका

‘देश को पीएम आवास नहीं, सांस चाहिए’, असं ट्वीट त्यांनी केलं आहे. ट्वीटमध्ये त्यांनी दोन तुलना करणारे फोटोही शेअर केले आहेत. त्यात एका बाजूला सेंट्रल विस्टा प्रकल्पाचं सुरु असलेलं काम आणि दुसऱ्या बाजूला करोना झालेले रुग्ण श्वासासाठी लढताना दाखवण्यात आले आहेत.

नागरिकांचा जीव जात असताना पंतप्रधान कर वसूल करण्यात मग्न असल्याची बोचरी टीका त्यांनी शनिवारी ट्वीटमधून केली होती. ‘जनता के प्राण जाए पर PM की टॅक्स वसूली ना जाए’, असं ट्वीट त्यांनी केलं होतं. त्याचबरोबर हॅशटॅग जीएसटीचाही वापर केला होता.

करोनाचा प्रकोप : देशात सलग चौथ्या दिवशी चार हजारांहून अधिक बळी

विस्टा प्रकल्प संसदेसमोरील १३ एकर जमिनीवर उभा राहात आहे. सध्या या जमिनीवर पार्क, पार्किंग आहे. ते हटवून त्या ठिकाणी लोकसभा आणि राज्यसभेची इमारत उभी केली जात आहे. या प्रकल्पासाठी ३० हजार कोटी रुपये खर्च केले जाणार आहेत.