पीटीआय, अहमदाबाद
दहा वर्षानंतर काँग्रेसला गुजरातमध्ये खाते खोलण्यात यश आले आहे. भाजपने २६ जागांपैकी २५ जागा जिंकल्या आहेत. केंद्रीय मंत्री अमित शहा आणि परशोत्तम रुपाला आणि गुजरात भाजपचे अध्यक्ष सीआर पाटील हे विजयी झाले आहेत. अमित शहा यांनी गांधीनगर लोकसभा मतदारसंघातून ७.४४ लाख अशा विक्रमी मतांनी विजय मिळवला आहे, तर बनासकांठा (२) येथून काँग्रेसचे गनीबेन नागजी ठाकोर हे एकमेव उमेदवार विजयी झाले. दरम्यान, सुरतची जागा भाजपने यापूर्वीच बिनविरोध जिंकली आहे.
भाजपने अहमदाबाद पूर्व, अहमदाबाद पश्चिम, बारडोली, भरूच, भावनगर, छोटा उदयपूर, गांधीनगर, जामनगर, जुनागढ, खेडा, महेसाणा, नवसारी, राजकोट आणि साबरकांठा जिंकले आहेत. भरुच मतदारसंघात भाजपचे विद्यामान खासदार मनसुख वसावा यांनी आम आदमी पार्टीच्या चैतर वसावा यांचा ८५,६९६ मतांनी पराभव केला. अहमदाबाद पूर्वमधून एचएस पटेल ४.६१लाख मतांनी विजयी झाले. अहमदाबाद पश्चिममधून दिनेश मकवाना २.८६ लाख मतांनी, हरिभाई पटेल महेसाणामधून ३.२८ लाख मतांनी तर जुनागढमधून राजेश चुडासामा १.३५ लाख मतांनी विजयी झाले.
© The Indian Express (P) Ltd
