चौकीमध्ये आता कॉन्स्टेबल वडील आपल्या मुलाला करणार ‘सलाम’

जनार्दन सध्या लखनऊच्या गोमती नगरमधील विभूती खांड पोलीस स्टेशनमध्ये डयुटी करतात. हे पोलीस स्टेशन त्यांचा मुलगा अनूप कुमारच्या नियंत्रणाखाली आहे. माझा मुलगा माझा वरिष्ठ आहे याचा मला अभिमान वाटतो. हा माझा सन्मान आहे. त्याच्या हाताखाली काम करणे हा एक आनंददायी अनुभव आहे असे जनार्दन यांनी एएनआयशी बोलताना सांगितले.

एसपी अनूप कुमार यांनी व्यक्तीगत आणि व्यावसायिक आयुष्य वेगवेगळे असल्याचे सांगितले. आम्ही ज्या पदावर आहोत त्यानुसार काम करु असे त्यांनी सांगितले. तेलंगणमध्ये सुद्धा पिता आणि मुलीची अशीच एक जोडी आहे. ए.आर.उमामहेश्वरा सरमा यांना आपल्या मुलीला सलाम ठोकताना अभिमान वाटतो. त्यांची मुलगी सिंधू सरमा जगतियाल जिल्ह्यात पोलीस अधीक्षक आहेत. रविवारी टीआरएसच्या एका सभेच्यावेळी हे पिता पुत्री समोरासमोर आले होते.