‘पुलवामा हल्ल्यातील जवानांचे बलिदान देश विसरणार नाही’, स्मृतिदिनी मोदी, शहा, राजनाथ सिंह यांची श्रद्धांजली

‘सीआरपीएफ’च्या ताफ्यात १४ फेब्रुवारी २०१९ रोजी वाहन घुसवून, दहशतवाद्यांनी आत्मघाती स्फोट घडवला होता. त्यात ४० हून अधिक जवान हुतात्मा झाले होते. या हल्ल्याच्या प्रत्युत्तरादाखल भारतीय हवाई दलाने पाकिस्तानातील बालाकोटमधील दहशतवादी तळांना ‘सर्जिकल स्ट्राईक’द्वारे लक्ष्य केले. मोदी यांनी ‘ट्वीट’ केले, की आम्ही पुलवामामध्ये या दिवशी गमावलेल्या आमच्या शूर वीरांचे स्मरण करत आहोत. आम्ही त्यांचे सर्वोच्च बलिदान कधीही विसरणार नाही. त्यांचे धारिष्टय़ आम्हाला एक मजबूत आणि विकसित भारतनिर्मितीसाठी प्रेरित करत राहील.

आणखी वाचा

“…अन् प्रियांका गांधींनी भाजपाचे दात घशात घातले”, पंतप्रधान मोदींच्या ‘त्या’ आव्हानाला उद्धव ठाकरेंचं प्रत्युत्तर

Nana Patole : निकालाआधी राजकीय घडामोडींना वेग; यातच…

Sanjay Raut: २३ नोव्हेंबरनंतर मुख्यमंत्री एकनाथ शिंदे यांचे भवितव्य काय? संजय राऊत म्हणाले…

केंद्रीय गृहमंत्री अमित शहा म्हणतात,’ मोदींनी नक्षलवाद व आतंकवाद संपविला’

“विरोधकांनी योजनांसह वचननामाही चोरला…”, मुख्यमंत्री एकनाथ शिंदेंची अंबरनाथमध्ये टीका

महाविकास आघाडीने जाहीरनामा चोरला; एकनाथ शिंदे यांचा आरोप

“महायुतीत मिठाचा खडा टाकू नका”, मुख्‍यमंत्री एकनाथ शिंदे, उपमुख्‍यमंत्री अजित पवारांनी रवी राणांना खडसावले

“महाराष्ट्र दरोडेखोर अन् गुंडांच्या हाती”, उद्धव ठाकरेंची शिंदे गटावर सडकून टीका; पक्षचिन्हावरून माजी सरन्यायाधीशांनाही केलं लक्ष्य; म्हणाले…

 गृहमंत्री अमित शहा यांनी ‘ट्वीट’ केले, की पुलवामा येथे झालेल्या भीषण दहशतवादी हल्ल्यात ज्या शूर सैनिकांनी आपले प्राणांचे मोल दिले, त्यांना मी श्रद्धांजली अर्पण करतो. त्यांचे बलिदान देश कधीही विसरू शकत नाही. दहशतवादाविरुद्धच्या लढाईत त्यांचे शौर्य आणि अदम्य साहस नेहमीच प्रेरणादायी राहील. राजनाथ सिंह यांनी हिंदीत केलेल्या ‘ट्वीट’मध्ये नमूद केले आहे, की देश त्यांच्या धैर्य व सर्वोच्च बलिदानाला सलाम करतो. आपल्या प्राणांची आहुती देणाऱ्या शूर जवानांना श्रद्धांजली अर्पण करतो. या हुतात्म्यांच्या धैर्य आणि बलिदानाला हा देश सलाम करतो. संपूर्ण देश त्यांच्या कुटुंबीयांसोबत खंबीरपणे उभा आहे.

  परराष्ट्र मंत्री एस. जयशंकर यांनी श्रद्धांजली वाहताना नमूद केले, की पुलवामा येथे बलिदान देणाऱ्या आमच्या धैर्यवान जवानांना भावपूर्ण श्रद्धांजली. सदैव जागरूक राहून, सीमेपलीकडून जोपासल्या जाणाऱ्या दहशतवादाचा समर्थ मुकाबला करणे, ही त्यांना खरी श्रद्धांजली ठरेल.