“आमच्या विवाहाला या, पण करोना टेस्ट केली तरच…”

करोनाची फैलाव रोखण्यासाठी देण्यात आलेली सर्व नियमावली लग्नात पाळली जाणार आहे. १८ एप्रिलला विजय आणि वैशाली यांचा लग्न टिका सोहळा हरिद्वार येथे पार पडणार आहे. या कार्यक्रमाला घरातील १८ जण उपस्थित राहणार आहेत. त्या सर्वांना आरटी-पीसीआर चाचणी करण्यास सांगितलं आहे. कार्यक्रमावेळी चाचणी अहवाल आणण्यास सांगितलं आहे. त्यानंतर २४ एप्रिलला जयपूरमध्ये विवाह सोहळा पार पडणार आहे.

दुर्दैवी! करोनामुळे १४ दिवसांच्या बाळाचा मृत्यू

‘विजय आणि वैशालीचा विवाह २४ एप्रिलला जयपूरमध्ये आहे. यासाठी आम्ही नातेवाईकांना निमंत्रण पत्रिका दिली आहे. त्यात आरटी-पीसीआर चाचणी करण्याचं आवाहन केले आहे. तसेच लग्नात मास्क आणि सॅनिटायझर बंधनकारक केले आहे. जेणेकरून नियमावली पालत लग्न सोहळ्याचा आनंद लुटता येईल.’, असं विजयचा लहान भाऊ अजय सिंहने सांगितलं. ‘करोनाचा फैलाव पाहता आम्ही सर्व काळजी घेणार आहोत. लग्नात सरकारने सांगितल्याप्रमाणे फक्त ५० माणसांना निमंत्रण आहे. त्याच्यावर एकही पाहुणा नसेल. हे आम्ही सर्वांच्या सुरक्षेच्या दृष्टीने करत आहोत’, असंही त्याने पुढे सांगितलं.

देशात ऑक्सिजन वाहतूक करण्याऱ्या टँकर्सना सूट; आढावा बैठकीत पंतप्रधान मोदींचा निर्णय

विवाहसोहळ्यात होणारी गर्दी आणि त्या माध्यमातून करोनाचा फैलाव होण्याची शक्यता जास्त असते. त्यामुळे उत्तराखंडमधील दाम्पत्याने उचललेलं पाऊल वाखण्याजोगं आहे.