आई-वडिलांनी दोन मुलांची केली हत्या, मग स्वतःही केली आत्महत्या; सुसाईड नोटमधून धक्कादायक माहिती उघड!

पोलिसांनी दिलेल्या माहितीनुसार, रेड्डी एका खाजगी महाविद्यालयात ज्युनियर लेक्चरर म्हणून काम करत होते. परंतु, २०२३ पासून बेरोजगार होते. पोलिसांना घरात एक सुसाईड नोट सापडली आहे. “दीर्घकाळ बेरोजगारी आणि आरोग्याच्या समस्यांमुळे कुटुंबाच्या आर्थिक तणावात वाढ झाली आहे. यामुळे त्यांनी हे टोकाचे पाऊल उचलले असावे”, असं पोलीस म्हणाले. या प्रकरणाशी संबंधित सर्व पैलूंची तपासणी केली जाईल, असं पोलिसांनी म्हटलं आहे.

आत्महत्येच्या चिठ्ठीत काय लिहिलं?

या जोडप्याने तेलुगू भाषेत लिहिलेल्या चिठ्ठीत म्हटले आहे की, संघर्षमय करिअर आणि मानसिक आणि शारिराक आरोग्य समस्यांमुळे त्यांच्याकडे जीवन संपवण्याशिवाय दुसरा पर्याय नव्हता. तसंच, मृत्यूसाठी कोणीही जबाबदार नाही.

चंद्रशेखर रेड्डी यांचे मोठे भाऊ कोठा उपेंद्र रेड्डी यांनी सांगितले की, कुटुंब आर्थिकदृष्ट्या अडचणीत होते आणि उर्वरित चार भाऊ त्यांना नियमितपणे मदत करत होते. चुलत भाऊ आणि नातेवाईकांनी सोमवारी रेड्डी यांच्याशी फोनवर संपर्क साधण्याचा प्रयत्न केला पण त्यांना प्रतिसाद मिळाला नाही, त्यामुळे ते त्यांच्या घरी गेले. आतून कोणताही प्रतिसाद न मिळाल्याने त्यांनी दरवाजा तोडला आणि आत जाऊन चौघेही मृतावस्थेत आढळले. उपेंद्र रेड्डी यांनी पुढे सांगितले की, आर्थिक अडचणींमुळे त्यांचा भाऊ मानसिकदृष्ट्या निराश होता. उस्मानिया विद्यापीठ पोलिसांनी संशयास्पद मृत्यूचा गुन्हा दाखल करून तपास सुरू केला आहे. मृतदेह शवविच्छेदनासाठी गांधी रुग्णालयात हलवण्यात आले आहेत.