भारतात करोना संसर्ग का वाढतोय? इंडियन मेडिकल असोसिएशनने सांगितली तीन कारणं | covid 19 cases rise in india indian medical association give 3 reasons

मागील काही दिवसांपासून महाराष्ट्रासह भारतात करोना विषाणूचा संसर्ग पुन्हा वाढत आहेत.

भारतात करोना रुग्णांमध्ये वाढ... (फोटो- लोकसत्ता ग्राफिक्स टीम)

मागील काही दिवसांपासून महाराष्ट्रासह भारतात करोना विषाणूचा संसर्ग पुन्हा वाढत आहे. वाढत्या संसर्गाच्या पार्श्वभूमीवर वैद्यकीय संस्था सतर्क झाल्या आहे. खबरदारीचा उपाय म्हणून विविध उपक्रम राबवले जात आहेत. तसेच करोना नियमांचं काटेकोर पालन करण्याबाबत नागरिकांना आवाहन केलं जात आहे. सोमवारी भारतातील नवीन करोना रुग्णांमध्ये जवळपास १० टक्क्यांची वाढ झाली आहे.

भारतातील करोना रुग्णांच्या वाढत्या संसर्गाच्या पार्श्वभूमीवर आयएमए अर्थात इंडियन मेडिकल असोसिएशनने तीन प्रमुख कारणं सांगितली आहेत. “कोविड-१९ नियमांमध्ये शिथिलता, करोना चाचण्यांमध्ये झालेली घट आणि कोविड-१९ चे नवीन व्हेरिएंट” या तीन कारणांमुळे भारतात करोना रुग्णांमध्ये वाढ होत असल्याचं निरीक्षण इंडियन मेडिकल असोसिएशनने नोंदवलं आहे.

हेही वाचा- VIDEO : करोनाच्या वाढत्या संसर्गामुळे देशभरात दोन दिवसीय ‘करोना मॉकड्रिल’, पायाभूत सुविधांचा घेतला जाणार आढावा

"The reasons behind the recent Covid surge in our country may be the relaxation of Covid-19 appropriate behaviour, low testing rate and the emergence of a new variant of Covid": Indian Medical Association pic.twitter.com/jYKXhrqXZS
— ANI (@ANI) April 10, 2023

सोमवारी भारतात नवीन करोना रुग्णांच्या संख्येत जवळपास १० टक्के वाढ नोंदली आहे. करोनाचा वाढता आलेख पाहता देशात पुन्हा एकदा करोना निर्बंध लादण्याची भीती लोकांना सतावत आहे.

First published on: 10-04-2023 at 18:09 IST

Web Title: Covid 19 cases rise in india indian medical association give 3 reasons rmm