Corona Update : देशात करोनाची तिसरी लाट धोकादायक; गेल्या २४ तासांत १ लाख ४० हजार नवे रुग्ण

देशात गेल्या २४ तासांत करोना विषाणूचे एक लाख ४१ हजार ५२५ नवीन रुग्ण आढळले आहेत. त्याच वेळी, २८५  लोकांचा मृत्यू झाला. आतापर्यंत देशात करोनाच्या ओमायक्रॉन बाधितांची ३०७१ प्रकरणे समोर आली आहेत.

आणखी वाचा

देशातील पक्ष्यांच्या संख्येत लक्षणीय घट; जाणून घ्या, मानवी चुका किती हानीकारक

१६ नोव्हेंबर पंचांग: कृतिका नक्षत्रात मेषला शुभ दिवस,…

काँग्रेसची सध्याची अवस्था ‘चाची ४२०’ प्रमाणे, मुनगंटीवार यांची टीका

नाशिक : फर्नांडिसवाडीतील आगीत दुकानासह दोन घरांचे नुकसान

नाशिक: गृह मतदानापासून हजारो ज्येष्ठ मतदार, अपंग वंचित; यंत्रणेच्या अनास्थेमुळे ८५ हजार पैकी केवळ २४४९ मतदारांना लाभ

वृध्दांच्या लोकसंख्येचा दर वाढता, काय आहेत आव्हानं?

पुणे: एटीएम फोडून रोकड चोरणारी हरयाणातील टोळी गजाआड, स्थानिक गुन्हे शाखा आणि शिरूर पोलिसांची कामगिरी

जनजागृतीवर ५९ कोटींचा खर्च, तरीही सर्वसामान्यांच्या २,८८० कोटींवर डल्ला…बँकेत तुमचे पैसे…

केंद्रीय आरोग्य मंत्रालयाने जारी केलेल्या आकडेवारीनुसार, आता देशात सक्रिय रुग्णांची संख्या ४ लाख ७२ हजार १६९ झाली आहे. त्याचबरोबर या साथीमुळे जीव गमावणाऱ्यांची संख्या ४ लाख ८३ हजार ४६३ झाली आहे. आकडेवारीनुसार, काल ४० हजार ४८५ लोक बरे झाले, त्यानंतर आतापर्यंत ३ कोटी ४४ लाख १२ हजार ७४० लोक संसर्गमुक्त झाले आहेत.

 नवीन रुग्णांच्या वाढीच्या तुलनेत मृतांची संख्या खूपच कमी आहे, ही दिलासादायक बाब आहे. शुक्रवारी, देशभरात २८५ लोकांचा मृत्यू झाला आहे. शुक्रवारी महाराष्ट्रात सर्वाधिक ४०,९२५ नवीन रुग्ण आढळले आहेत. हा आकडा गेल्या २३८ दिवसांतील सर्वाधिक आहे. नवीन रुग्णांची संख्या आता करोनाच्या दुसर्‍या लाटेच्या पिकवर पोहोचली आहे. मुंबईत एकाच दिवसात २०,९७१ नवीन रुग्ण आढळले आहेत, जो करोनाच्या सुरुवातीपासूनचा उच्चांक आहे.

पश्चिम बंगालसारख्या राज्यात तिसऱ्या लाटेतही मोठ्या प्रमाणात करोनाचे रुग्ण आढळून येत आहेत, ही चिंतेची बाब आहे. गेल्या अनेक दिवसांपासून पश्चिम बंगाल नवीन प्रकरणांच्या बाबतीत दुसऱ्या क्रमांकावर आहे. शुक्रवारी बंगालमध्ये १८,२१३ नवीन रुग्ण आढळले आहेत. याशिवाय दिल्लीत १७,३३५ नवीन रुग्ण आढळले आहेत.