पीटीआय, भोपाळ मध्य प्रदेशच्या अशोक नगर जिल्ह्यात एका दलित दाम्पत्याला कथितरीत्या मारहाण करण्यात आली, तसेच जोडय़ांची माळ घालण्यास भाग पाडले गेले. हे दाम्पत्य कथितरीत्या छेडछाडीच्या घटनेत गुंतले होते, असे पोलिसांनी सांगितले. मुंगौली पोलीस ठाण्याच्या हद्दीतील किलोरा खेडय़ात शुक्रवारी या दाम्पत्याला मारहाणीची घटना घडल्यानंतर फरार झालेल्या दहा जणांविरुद्ध गुन्हा नोंदवण्यात आला आल्याचे पोलिसांनी सांगितले.दाम्पत्याच्या मुलाने कथितरीत्या एका आरोपीच्या पत्नीची छेड काढली होती. शुक्रवारी आरोपींनी दोघांना खांबाला बांधून मारहाण केली आणि जोडय़ांची माळ घालण्यास भाग पाडले.
