Frederic Sinistra : लसीला विरोध करणाऱ्या प्रसिद्ध किक बॉक्सिंग चॅम्पियनचा करोना संसर्गाने मृत्यू

फ्रेडरिक ४१ वर्षांचा होता. त्याच्यावर बेल्जियममध्ये उपचार सुरू होते. नोव्हेंबरमध्ये त्याला उपचारासाठी रुग्णालयात दाखल करण्यात आलं होतं. मात्र, फ्रेडरिकचा याला विरोध होता. उपचारा दरम्यानच त्याचा मृत्यू झाला. त्याच्या अधिकृत पेजवरून याबाबत चाहत्यांना माहिती देण्यात आली.

हेही वाचा : चिंताजनक, ओमायक्रॉनमुळे भारतात ‘या’ महिन्यात करोनाची तिसरी लाट येण्याची शक्यता, कोविड पॅनलची माहिती

फ्रेडरिकच्या विरोधानंतरही प्रशिक्षकांच्या सल्ल्याने त्याला रुग्णालयात दाखल करण्यात आलं होतं. यानंतर उपचारादरम्यान, फ्रेडरिक आयसीयूतून सातत्याने आपली माहिती देत फोटो शेअर करत होता. तसेच मी लवकरच बरा होईल, असंही सांगत होता.

विशेष म्हणजे फ्रेडरिकने रुग्णालयात दाखल झाल्यानंतर करोना नियमांचं पालन करण्यास विरोध केला होता. याच नियमांमुळे बॉक्सिंगचा सामना रद्द झाल्याचं तो म्हणाला होता.

फ्रेडरिकच्या पत्नीने फेसबूक पोस्ट करत त्याच्या मृत्यूची माहिती दिली. मात्र, तिने त्याचा मृत्यू करोनाच्या नियमांच्या पालनात निष्काळजीपणा केल्यानं झाल्याचं मान्य केलेलं नाही.