युट्यूबर ध्रुव राठीला जीवे मारण्याची धमकी; एक्स पोस्टवर म्हणाला, “या सगळ्यामागे…”

ध्रुव राठी गेल्या काही दिवसांपासून चर्चेत आहे. मोदींविरोधात त्याने अनेक व्हिडिओ केले होते. तसंच, दिल्लीतील स्वाती मालिवाल प्रकरणीही त्याने व्हिडिओ केला होता. स्वाती मालिवाल यांच्याही समर्थनार्थ त्यांनी पोस्ट केली होती. त्यावरून स्वाती मालिवाल यांनाही धमकीचे फोन येत होते. आता ध्रुव राठीलाही जीवे मारण्याची धमकी मिळत आहे.

याबाबत तो एक्स पोस्टवर म्हणाला की, “माझ्यावर खोटे आरोप, रोज जीवे मारण्याच्या धमक्या, अमानवीय अपमान, माझी बदनामी करण्यासाठी मोहिमा सुरू आहेत. मला आता सवय झाली आहे. गंमत अशी आहे की, गुन्हेगार पीडित असल्याचं नाटक करत आहेत. या सगळ्यामागे कोण आहे हे सर्वांना माहीत आहे. त्यांना मला गप्प करायचे आहे. पण तसे होणार नाही. जर तुम्ही १ ध्रुव राठीला गप्प केले तर १००० नवीन उठतील.”

हेही वाचा >> ध्रुव राठी आणि ‘आप’वर स्वाती मालिवाल यांचा मोठा आरोप; म्हणाल्या, “बलात्कार आणि जीवे मारण्याची..”

कोण आहे ध्रुव राठी?

ध्रुव राठीने सुरुवातील ट्रॅव्हल व्लॉग सारखे व्हिडिओ तयार करून प्रसिद्धी मिळविली. त्यानंतर तो सामाजिक, राजकीय भाष्य करणारे व्हिडिओ करू लागला. १९९४ साली जन्मलेला ध्रुव राठी अवघ्या २९ वर्षांचा आहे. ध्रुव राठीचे कुटुंब मुळचे हरियाणामधील रोहतकचे असून ते सध्या जर्मनीत वास्तव्यास आहेत. ध्रुव राठीचे बालपण आणि शालेय शिक्षण दिल्लीत झाले. त्यानंतर पुढचे शिक्षण घेण्यासाठी ध्रुव जर्मनीत गेला. २०२१ मध्ये ध्रुवने ज्युलीशी लग्न केले. २०२२ साली दोघांनी पुन्हा एकदा भारतीय परंपरेनुसार लग्न केले होते.