Delhi Vidhan Sabha Election 2020 Result Live Updates : दिल्ली विधानसभा निवडणुकीत आम आदमी पार्टीला (आप) घवघवीत यश मिळाले असून भारतीय जनता पार्टीचा (भाजपाचा) पराभव झाला आहे. या निकालावर पश्चिम बंगालच्या मुख्यमंत्री आणि तृणमुल काँग्रेसच्या प्रमुख ममता बॅनर्जी यांनी भाष्य केले असून दिल्लीत भाजपाला नाकारले त्याप्रमाणे लोक सीएए, एनआरसी, एनपीआरला नाकारतील असं त्यांनी म्हटलं आहे.
West Bengal Chief Minister Mamata Banerjee on #DelhiElectionResults: I have congratulated Arvind Kejriwal. People have rejected BJP. Only development will work, CAA, NRC and NPR will be rejected pic.twitter.com/VgpX9TmoLs
— ANI (@ANI) February 11, 2020
दिल्लीच्या निवडणूक निकालावर प्रतिक्रिया देताना बॅनर्जी म्हणाल्या, “विजयासाठी अरविंद केजरीवाल यांचे मी अभिनंदन केले. दिल्लीच्या जनतेनं भाजपाला नाकारलं आहे. आता इथं केवळ विकासच काम करेल. जनता आता सीएए, एनआरसी आणि एनपीआरला देखील नाकारतील”
दिल्लीत मोठा विजय मिळाल्यानंतर मुख्यमंत्री आणि आपचे प्रमुख अरविंद केजरीवाल यांचे देशातील अनेक बड्या नेत्यांनी अभिनंदन केले आहे. ममता बॅनर्जी यांच्याबरोबर राजकीय रणनीतीकार आणि नुकतेच जेडीयूतून हाकालपट्टी करण्यात आलेले प्रशांत किशोर यांनी देखील अभिनंदन केले आहे. तसेच दिल्लीत भाजपाच्या अहंकाराचा पराभव झाला असल्याची बोचरी प्रतिक्रिया शिवसेनेचे नेते अनिल परब यांनी दिली आहे.
दिल्ली विधानसभा निवडणुकीची मतमोजणी अद्याप सुरु असून सध्याच्या कलांनुसार, आप ५९ जागांवर आघाडीवर असून ११ जागांवर भाजपा आघाडीवर आहे. तर काँग्रेसला भोपळाही फोडता आलेला नाही.
