Delhi Blast Near CRPF School : दिल्लीमधील रोहिणी परिसरातील प्रशांत विहार परिसरात सकाळी मोठा स्फोट झाला. या स्फोटाच्या आवाजाने स्थानिकांमध्ये भितीचं वातावरण पसरलं आहे. केंद्रीय राखीव पोलीस दलाच्या (सीआरपीएफ) शाळेच्या भिंतीजवळ हा स्फोट झाला आहे. स्फोटानंतर आकाशात धुराचे लोट पसरले होते. हे चित्र पाहून रोहिणी परिसरातील लोकांमध्ये भितीचं वातावरण निर्माण झालं आहे.
रोहिणीचे पोलीस पोलीस उपायुक्त अमित गोयल यांनी या घटनेची माहिती देताना सांगितलं की आम्ही या स्फोटाचं कारण शोधण्याचा प्रयत्न करत आहोत. यासाठी काही तज्ज्ञांच्या पथकाला पाचारण केलं आहे. हा स्फोट कशाचा होता ते अद्याप समजू शकलेलं नाही. मात्र आम्ही या परिसरात पोलीस बंदोबस्त केला आहे. पोलिसांची मोठी तुकडी या परिसरात तैनात करण्यात आली आहे. तज्ज्ञांचं पथक तपासाअंती या प्रकरणाची माहिती देईल.
Delhi: A blast has been reported outside CRPF school in the Prashant Vihar area of Rohini district. The fire department was informed about the incident at around 7:50 am, after which two fire brigades were immediately dispatched. However, no fire or damage to the wall has been…
— ANI (@ANI) October 20, 2024
सकाळी ७.५० वाजता स्फोट झाला
स्थानिकांनी सकाळी ७.५० च्या सुमारास अग्निशमन दलाला या स्फोटाची माहिती दिली. त्यानंतर अग्निशमन दलाची दोन वाहनं घटनास्थळी रवाना करण्यात आली. अग्निशमन दलाच्या जवानांनी घटनास्थळाची पाहणी केली. तिथे कुठेही आग लागल्याचं किंवा इमारतीचं नुकसान झालेलं नसल्याचं निदर्शनास आलं. अग्निशमन दलाचं पथक संपूर्ण परिसर पिंजून काढत असल्याचं सांगण्यात आलं आहे.
हे ही वाचा >> दिल्लीतल्या स्फोटाचं कारण काय? घटनास्थळावरील ‘पांढऱ्या पावडर’मुळे फॉरेन्सिक टीम चकीत; दहशतवादी कटाचा संशय?
सुरुवातीला हा सिलेंडरचा स्फोट असावा असा अंदाज वर्तवला जात होता. मात्र, हा सिलेंडर स्फोट नसल्याचं तपासात उघड झालं आहे. तसेच पोलीस या भागातील सीसीटीव्ही फूटेज तपासत आहेत.
हे ही वाचा >> Video: “मी त्याच्याकडे पाहिलं..एक लहान, विचित्र आणि…”, याह्या सिनवारच्या मृत्यूनंतर इस्रायली अधिकाऱ्यानं शेअर केला तो प्रसंग!
मोठ्या दहशतवादी कटाचा संशय
सणासुदीच्या काळात राजधानी दिल्लीत झालेल्या या स्फोटामागे दहशतवादी कट होता का? किवा हा स्फोट म्हणजे एखाद्या कटाची तयारी होती का? ते दखील तपासलं जात आहे. ही कुठल्या हल्ल्याची तयारी होती का हे शोधण्यासाठी पोलीस व एनएसजीचं पथक गुप्तचर यंत्रणांबरोबर काम करत आहेत. न्यायवैद्यक विज्ञान प्रयोगशाळेचं (एफएसएल) पथक घटनास्थळावरील प्रत्येक संशयास्पद वस्तूची तपासणी करत आहे.
रोहिणीचे पोलीस पोलीस उपायुक्त अमित गोयल यांनी या घटनेची माहिती देताना सांगितलं की आम्ही या स्फोटाचं कारण शोधण्याचा प्रयत्न करत आहोत. यासाठी काही तज्ज्ञांच्या पथकाला पाचारण केलं आहे. हा स्फोट कशाचा होता ते अद्याप समजू शकलेलं नाही. मात्र आम्ही या परिसरात पोलीस बंदोबस्त केला आहे. पोलिसांची मोठी तुकडी या परिसरात तैनात करण्यात आली आहे. तज्ज्ञांचं पथक तपासाअंती या प्रकरणाची माहिती देईल.
Delhi: A blast has been reported outside CRPF school in the Prashant Vihar area of Rohini district. The fire department was informed about the incident at around 7:50 am, after which two fire brigades were immediately dispatched. However, no fire or damage to the wall has been…
— ANI (@ANI) October 20, 2024
सकाळी ७.५० वाजता स्फोट झाला
स्थानिकांनी सकाळी ७.५० च्या सुमारास अग्निशमन दलाला या स्फोटाची माहिती दिली. त्यानंतर अग्निशमन दलाची दोन वाहनं घटनास्थळी रवाना करण्यात आली. अग्निशमन दलाच्या जवानांनी घटनास्थळाची पाहणी केली. तिथे कुठेही आग लागल्याचं किंवा इमारतीचं नुकसान झालेलं नसल्याचं निदर्शनास आलं. अग्निशमन दलाचं पथक संपूर्ण परिसर पिंजून काढत असल्याचं सांगण्यात आलं आहे.
हे ही वाचा >> दिल्लीतल्या स्फोटाचं कारण काय? घटनास्थळावरील ‘पांढऱ्या पावडर’मुळे फॉरेन्सिक टीम चकीत; दहशतवादी कटाचा संशय?
सुरुवातीला हा सिलेंडरचा स्फोट असावा असा अंदाज वर्तवला जात होता. मात्र, हा सिलेंडर स्फोट नसल्याचं तपासात उघड झालं आहे. तसेच पोलीस या भागातील सीसीटीव्ही फूटेज तपासत आहेत.
हे ही वाचा >> Video: “मी त्याच्याकडे पाहिलं..एक लहान, विचित्र आणि…”, याह्या सिनवारच्या मृत्यूनंतर इस्रायली अधिकाऱ्यानं शेअर केला तो प्रसंग!
मोठ्या दहशतवादी कटाचा संशय
सणासुदीच्या काळात राजधानी दिल्लीत झालेल्या या स्फोटामागे दहशतवादी कट होता का? किवा हा स्फोट म्हणजे एखाद्या कटाची तयारी होती का? ते दखील तपासलं जात आहे. ही कुठल्या हल्ल्याची तयारी होती का हे शोधण्यासाठी पोलीस व एनएसजीचं पथक गुप्तचर यंत्रणांबरोबर काम करत आहेत. न्यायवैद्यक विज्ञान प्रयोगशाळेचं (एफएसएल) पथक घटनास्थळावरील प्रत्येक संशयास्पद वस्तूची तपासणी करत आहे.
