द्वेषभावना पसरवणाऱ्या कार्यक्रमाला न्यायालयाची मनाई

हा कार्यक्रम जामिया मिलिया इस्लामिया विद्यापीठ, तिचे माजी विद्यार्थी आणि एकूणच मुस्लीम समुदायाला बदनाम करणारा व त्यांच्याविरुद्ध द्वेषभावना पसरवणारा असल्याचा आरोप करणारी याचिका विद्यापीठाच्या आजी-माजी विद्यार्थ्यांनी न्यायालयात केली होती.

हा कार्यक्रम शुक्रवारी रात्री ८ वाजता प्रक्षेपित होणार होता. सनदी सेवांमध्ये ‘मुस्लिमांची घुसखोरी’ आम्ही उघड करू, असे वाहिनीने २६ ऑगस्टला ट्वीट केलेल्या प्रोमोमध्ये म्हटले होते.

आज रात ८ बजे शोक होगा’, असे या वाहिनीचे मालक व प्रमुख संपादक सुरेश चावनके यांनी ट्विटरवर लिहिले होते. ‘आम्हाला या प्रकरणी कुठलीही नोटीस मिळालेली नाही. अशी नोटीस मिळाली, तर ती वाचून आम्ही रात्री ८ वाजता आमचे म्हणणे सांगू’, असे त्यांनी सांगितले.