Delhi New CM Oath Ceremony Highlights: आई दिल्लीची मुख्यमंत्री झाल्यानंतर लेकाची पहिली प्रतिक्रिया; रेखा गुप्तांचा मुलगा निकुंज म्हणाला…

आम्हाला आईचा खूप अभिमान वाटतोय. गेल्या अनेक वर्षांपासून आम्ही त्यांना काम करताना पाहिलं आहे. त्यांच्यावरचा सगळा ताण पाहिला आहे. आम्हाला ते पाहून कळतं की राजकारण किती अवघड गोष्ट आहे. त्यांनी स्वत:च्या हिंमतीवर हे यश मिळवलं आहे. आम्हाला त्यांचा फार अभिमान वाटतो. मला माझ्या आईवर, पक्षावर पूर्ण विश्वास आहे – निकुंज गुप्ता

https://twitter.com/ANI/status/1892486746681794766

रेखा घरही सांभाळत होती, समाजही सांभाळत होती. तिनं दोन वर्षं संपूर्ण शालिमार सांभाळलं. तिची काम करण्याची सवय आहे. मला खूप आनंद झाला. मला इतका आनंद झालाय, लोकांनी मला इतक्या शुभेच्छा दिल्यात की माझी झोळी आता कमी पडतेय – मीरा गुप्ता

https://twitter.com/ANI/status/1892487331816624412

आपचे प्रमुख अरविंद केजरीवाल यांचा नवी दिल्ली विधानसभा मतदारसंघात पराभव करणाऱ्या परवेश वर्मा यांनी घेतली मंत्रीपदाची शपथ

रेखा गुप्ता यांनी घेतली दिल्लीच्या मुख्यमंत्रीपदाची शपथ, त्यांच्यासह सहा आमदारांनीही घेतली मंत्रीपदाची शपथ

१. परवेश वर्मा (नवी दिल्ली)

२. मनजिंदर सिंग सिरसा (राजौरी गार्डन)

३. रविंद्र कुमार इंद्रज (बवाना)

४. कपिल मिश्रा (करवाल नगर)

५. आशिष सूद (जनकपुरी) आणि

६. पंकज कुमार सिंग (विकासपुरी)

दिल्लीच्या रामलीला मैदानावर रेखा गुप्ता यांच्या शपथविधी सोहळ्याला सुरुवात झाली असून त्यांच्यासह काही आमदार मंत्रीपदाची शपथ घेणार आहेत.

रेखा गुप्ता दिल्लीच्या मुख्यमंत्रीपदाची आज शपथ घेणार असून त्यांच्या शपथविधीसाठी पंतप्रधान नरेंद्र मोदी रामलीला मैदानावर दाखल झाले आहेत.

रेखा गुप्तांचं नाव जाहीर झालं तेव्हा मला ३० वर्षांपूर्वीचा प्रसंग आठवला. १९९५ सालचा एक फोटो मला सापडला. त्यात मी एनएसयूआयच्या अध्यक्षपदाची निवडणूक जिंकले होते तर रेखा गुप्तांनी अभाविपच्या सचिवपदाची निवडणूक जिंकली होती. आम्ही तेव्हा २० वर्षांच्या होतो. आम्ही एकत्र मिळून काम केलं. त्यांच्याशी विचारसरणीचा वाद होता, यापुढेही राहील. महत्त्वाच्या मुद्द्यांवर रेखा व माझी सहमती असायची, आम्ही एकत्र मिळून काम केलं आहे. रेखा त्या काळातही फार आक्रमक होती – अलका लांबा

https://twitter.com/ANI/status/1892459316751585312

मुख्यमंत्री देवेंद्र फडणवीस रेखा गुप्ता यांच्या शपथविधीसाठी दिल्लीच्या रामलीला मैदानावर दाखल

https://twitter.com/ANI/status/1892451085450957076

रेखा गुप्ता यांनी शपथविधीआधी घेतलं दिल्लीतील मरघट वाले हनुमान मंदिरात दर्शन

https://twitter.com/PTI_News/status/1892445719992422719

दिल्ली विधानसभा अध्यक्षपदी रोहिणी मतदारसंघातून निवडून आलेले भाजपा आमदार विजेंदर गुप्ता यांची वर्णी लागणार असल्याचं सांगितलं जात आहे. त्याचबरोबर उपाध्यक्षपदी मोहन सिंग बिश्त यांच्या नावाची चर्चा आहे.

दिल्लीच्या नव्या मंत्रिमंडळात मुख्यमंत्रीपदी शालिमार बाग मतदारसंघातून पहिल्यांदाच निवडून आलेल्या रेखा गुप्ता यांचा शपथविधी होणार आहे. त्याव्यतिरिक्त परवेश वर्मा (नवी दिल्ली), मनजिंदर सिंग सिरसा (राजौरी गार्डन), रविंद्र कुमार इंद्रज (बवाना), कपिल मिश्रा (करवाल नगर), आशिष सूद (जनकपुरी) आणि पंकज कुमार सिंग (विकासपुरी) या आमदारांचा समावेश होणार आहे.

दिल्लीत चौथ्यांदा मुख्यमंत्रीपदी महिला विराजमान होणार आहे. याआधी भाजपाच्या दिवंगत नेत्या सुषमा स्वराज यांनी अल्पकाळासाठी दिल्लीचं मुख्यमंत्रीपद भूषवलं होतं. त्यानंतर काँग्रेसच्या शीला दीक्षित यांनी दोन वेळा दिल्लीचं मुख्यमंत्रीपद सांभाळलं होतं. आता रेखा गुप्ता दिल्लीच्या मुख्यमंत्रीपदी विराजमान होणार आहेत.

रेखा गुप्ता यांच्या शपथविधीसाठी पंतप्रधान नरेंद्र मोदी, केंद्रीय गृहमंत्री अमित शाह, भाजपाचे राष्ट्रीय अध्यक्ष जे. पी. नड्डा यांच्यासह अनेक केंद्रीय मंत्री व भाजपशासित राज्यातील मंत्री सोहळ्याला उपस्थित राहणार आहेत.

दिल्ली सरकार व दिल्लीचे नायब राज्यपाल यांच्यात गेल्या काही वर्षांत राजकीय तणावाचे अनेक प्रसंग उद्भवले. काही बाबतींत हे प्रकरण न्यायालयातदेखील गेलं. आता नायब राज्यपाल व्ही. के. सक्सेना भाजपाच्या मुख्यमंत्री रेखा गुप्ता व इतर मंत्र्यांना शपथ देणार आहेत.

रेखा गुप्ता यांच्या शपथविधीसाठी भाजपातील अनेक दिग्गज नेते उपस्थित राहणार आहेत. त्याचबरोबर कला विश्वातील अनेक सेलिब्रिटी मंडळीही या सोगळ्याला उपस्थित असतील असं सांगितलं जात आहे.

रेखा गुप्ता यांच्या मुख्यमंत्रीपदी शपथविधी सोहळ्याला थोड्याच वेळात सुरुवात होणार आहे. दिल्लीच्या रामलीला मैदानात हा शपथविधी सोहळा रंगणार आहे.

दिल्ली विधानसभा निवडणुकीत ७० पैकी ४८ जागांवर विजय मिळवत भारतीय जनता पक्षानं २७ वर्षांनंतर सत्ता पुन्हा मिळवली आहे. यानंतर पहिल्यांदाच आमदार झालेल्या रेखा गुप्ता यांच्याकडे दिल्लीच्या किल्ल्या सोपवण्याचा निर्णय घेतल्यामुळे सगळ्यांनाच आश्चर्याचा धक्का बसला आहे.