करोनाच्या दुसऱ्या लाटेचा जोर ओसरू लागलेला असताना दुसरीकडे देशात म्युकरमायकोसिसपाठोपाठ Delta Plus या करोनाच्या नव्या व्हेरिएंटचा धोका निर्माण झाला आहे. सध्या विषाणूच्या या प्रकाराचे देशात फारसे रुग्ण जरी नसले, तरी त्याची क्षमता आणि त्याच्या प्रसाराचा वेग पाहाता केंद्र सरकारने देशातील तीन राज्यांना तातडीने पावलं उचलण्याचा इशारा दिला आहे. यामध्ये महाराष्ट्र, केरळ आणि मध्य प्रदेश या तीन राज्यांचा समावेश आहे. या तीनही राज्यांमध्ये करोनाच्या डेल्टा प्लस व्हेरिएंटचे विषाणू रुग्णांमध्ये आढळून आले असून त्यांना वेळीच आवर घालण्यासाठी केंद्राने या राज्यांना डेल्टा प्लसचे रुग्ण आढळलेल्या भागात निर्बंध किंवा तत्सम पावलं उचलण्याचे निर्देश दिले आहेत. यासंदर्भात केंद्रीय आरोग्य विभागाने या तीनही राज्यांच्या मुख्य सचिवांना यासंदर्भात पत्र पाठवून सतर्क केलं आहे.
देशातील २२ पैकी १६ रुग्ण महाराष्ट्रात
केंद्रीय आरोग्य विभागाने दिलेल्या माहितीनुसार, करोनाचा डेल्टा व्हेरिएंट भारतासह जगातल्या एकूण ८० देशांमध्ये सापडला आहे. मात्र, डेल्टा प्लस व्हेरिएंट आत्तापर्यंत एकूण ९ देशांमध्ये आढळला आहे. यामध्ये अमेरिका, ब्रिटन, पोर्तुगाल, स्वित्झर्लंड, जपान, पोलंड, नेपाळ, चीन आणि रशिया या देशांचा समावेश आहे. भारतात डेल्टा प्लसचे एकूण २२ रुग्ण सापडले आहेत. मात्र, या २२ पैकी १६ रुग्ण महाराष्ट्राच्या रत्नागिरी आणि जळगावमध्ये आढळले आहेत. त्याशिवाय काही रुग्ण केरळ आणि मध्य प्रदेशमध्ये आढळले आहेत. दरम्यान, केंद्राच्या आकडेवारीनुसार महाराष्ट्रात १६ रुग्ण असले, तरी राज्य सरकारच्या आकडेवारीनुसार राज्यात २१ डेल्टा प्लसचे रुग्ण आहेत.
In India, 16 of the 22 cases of Delta Plus variant have been found in Ratnagiri and Jalgaon (Maharashtra) and some cases in Kerala and Madhya Pradesh: Union Health Secretary Rajesh Bhushan#COVID19
— ANI (@ANI) June 22, 2021
देशातील ६ जिल्ह्यांमध्ये Delta Plus चा प्रसार!
Delta Plus Variant विषयी आढावा घेणाऱ्या INSACOG (Indian SARS-CoV-2 Genomic Consortia) या गटाच्या अभ्यासातून आलेल्या निष्कर्षांच्या आधारावर केंद्रीय आरोग्य मंत्रालयाने डेल्टा प्लस व्हेरिएंटविषयी महाराष्ट्र, केरळ आणि मध्य प्रदेश या राज्यांना सतर्क राहण्याचा सल्ला दिला आहे. महाराष्ट्रातील रत्नागिरी आणि जळगाव, केरळमधील पलक्कड आणि पथ्थनमथित्ता, मध्य प्रदेशमधील भोपाळ आणि शिवपुरी जिल्ह्यांमध्ये करोनाचा डेल्टा प्लस व्हेरिएंट आढळून आला आहे.
Based on the recent findings of INSACOG (Indian SARS-CoV-2 Genomic Consortia), the Union Health Ministry has alerted and advised Maharashtra, Kerala and Madhya Pradesh regarding the Delta Plus variant of #COVID19 being found in some districts in these States: Government of India
— ANI (@ANI) June 22, 2021
लक्षपूर्वक आणि कार्यक्षमतेनं काम करा
यासंदर्भात केंद्रीय आरोग्य मंत्रालयाने या तीनही राज्यांना सल्ला दिला आहे की स्थानिक सार्वजनिक आरोग्य व्यवस्थापनाने या व्हेरिएंटविषयी अधिक लक्षपूर्वक आणि कार्यक्षमपणे काम करणं आवश्यक आहे. आधीपासूनच या यंत्रणा व्यापक अर्थाने त्या पातळीवर काम करत असल्या, तरी डेल्टा प्लसबाबत अधित सतर्क राहण्याची गरज आरोग्य मंत्रालयानं व्यक्त केली आहे.
States Chief Secretaries have been advised to take up immediate containment measures in the dists & clusters (as identified by INSACOG) incl preventing crowds& intermingling of people, widespread testing, prompt tracing as well as vaccine coverage on priority basis: Govt of India
— ANI (@ANI) June 22, 2021
“करोनाच्या आधीच्या व्हेरिएंटमुळे ऑक्सिजन पातळी कमी व्हायची, पण डेल्टा प्लसमुळे…!”
दरम्यान, “ज्या ठिकाणी डेल्टा प्लसचे रुग्ण आढळले आहेत, त्या ठिकाणी कंटेनमेंट झोन, गर्दी कमी करणे आणि लोकांचा एकमेकांशी संपर्क कमी करणे, व्यापक प्रमाणावर चाचण्या करणे, ट्रेसिंग वाढवणे आणि जास्तीत जास्त लोकांना लसीकृत करणे अशा उपाययोजनांसंदर्भात राज्य सरकारांनी तातडीने पावलं उचलावीत”, असे निर्देश केंद्राकडून या तीन राज्यांना देण्यात आले आहेत. केंद्रीय आरोग्य मंत्रालयानं आकडेवारी जाहीर केल्यानंतर आलेल्या ताज्या अहवालांनुसार डेल्टा प्लस’चे रुग्ण महाराष्ट्र, मध्य प्रदेश, केरळ या तीन राज्यांसोबतच पंजाब, तामिळनाडू, आंध्र प्रदेश, जम्मू आणि कर्नाटकात देखील आढळले आहेत. त्यांची एकूण आकडेवारी ४० च्या घरात जात असल्याचं एका अहवालावरून स्पष्ट होत आहे.
देशातील २२ पैकी १६ रुग्ण महाराष्ट्रात
केंद्रीय आरोग्य विभागाने दिलेल्या माहितीनुसार, करोनाचा डेल्टा व्हेरिएंट भारतासह जगातल्या एकूण ८० देशांमध्ये सापडला आहे. मात्र, डेल्टा प्लस व्हेरिएंट आत्तापर्यंत एकूण ९ देशांमध्ये आढळला आहे. यामध्ये अमेरिका, ब्रिटन, पोर्तुगाल, स्वित्झर्लंड, जपान, पोलंड, नेपाळ, चीन आणि रशिया या देशांचा समावेश आहे. भारतात डेल्टा प्लसचे एकूण २२ रुग्ण सापडले आहेत. मात्र, या २२ पैकी १६ रुग्ण महाराष्ट्राच्या रत्नागिरी आणि जळगावमध्ये आढळले आहेत. त्याशिवाय काही रुग्ण केरळ आणि मध्य प्रदेशमध्ये आढळले आहेत. दरम्यान, केंद्राच्या आकडेवारीनुसार महाराष्ट्रात १६ रुग्ण असले, तरी राज्य सरकारच्या आकडेवारीनुसार राज्यात २१ डेल्टा प्लसचे रुग्ण आहेत.
In India, 16 of the 22 cases of Delta Plus variant have been found in Ratnagiri and Jalgaon (Maharashtra) and some cases in Kerala and Madhya Pradesh: Union Health Secretary Rajesh Bhushan#COVID19
— ANI (@ANI) June 22, 2021
देशातील ६ जिल्ह्यांमध्ये Delta Plus चा प्रसार!
Delta Plus Variant विषयी आढावा घेणाऱ्या INSACOG (Indian SARS-CoV-2 Genomic Consortia) या गटाच्या अभ्यासातून आलेल्या निष्कर्षांच्या आधारावर केंद्रीय आरोग्य मंत्रालयाने डेल्टा प्लस व्हेरिएंटविषयी महाराष्ट्र, केरळ आणि मध्य प्रदेश या राज्यांना सतर्क राहण्याचा सल्ला दिला आहे. महाराष्ट्रातील रत्नागिरी आणि जळगाव, केरळमधील पलक्कड आणि पथ्थनमथित्ता, मध्य प्रदेशमधील भोपाळ आणि शिवपुरी जिल्ह्यांमध्ये करोनाचा डेल्टा प्लस व्हेरिएंट आढळून आला आहे.
Based on the recent findings of INSACOG (Indian SARS-CoV-2 Genomic Consortia), the Union Health Ministry has alerted and advised Maharashtra, Kerala and Madhya Pradesh regarding the Delta Plus variant of #COVID19 being found in some districts in these States: Government of India
— ANI (@ANI) June 22, 2021
लक्षपूर्वक आणि कार्यक्षमतेनं काम करा
यासंदर्भात केंद्रीय आरोग्य मंत्रालयाने या तीनही राज्यांना सल्ला दिला आहे की स्थानिक सार्वजनिक आरोग्य व्यवस्थापनाने या व्हेरिएंटविषयी अधिक लक्षपूर्वक आणि कार्यक्षमपणे काम करणं आवश्यक आहे. आधीपासूनच या यंत्रणा व्यापक अर्थाने त्या पातळीवर काम करत असल्या, तरी डेल्टा प्लसबाबत अधित सतर्क राहण्याची गरज आरोग्य मंत्रालयानं व्यक्त केली आहे.
States Chief Secretaries have been advised to take up immediate containment measures in the dists & clusters (as identified by INSACOG) incl preventing crowds& intermingling of people, widespread testing, prompt tracing as well as vaccine coverage on priority basis: Govt of India
— ANI (@ANI) June 22, 2021
“करोनाच्या आधीच्या व्हेरिएंटमुळे ऑक्सिजन पातळी कमी व्हायची, पण डेल्टा प्लसमुळे…!”
दरम्यान, “ज्या ठिकाणी डेल्टा प्लसचे रुग्ण आढळले आहेत, त्या ठिकाणी कंटेनमेंट झोन, गर्दी कमी करणे आणि लोकांचा एकमेकांशी संपर्क कमी करणे, व्यापक प्रमाणावर चाचण्या करणे, ट्रेसिंग वाढवणे आणि जास्तीत जास्त लोकांना लसीकृत करणे अशा उपाययोजनांसंदर्भात राज्य सरकारांनी तातडीने पावलं उचलावीत”, असे निर्देश केंद्राकडून या तीन राज्यांना देण्यात आले आहेत. केंद्रीय आरोग्य मंत्रालयानं आकडेवारी जाहीर केल्यानंतर आलेल्या ताज्या अहवालांनुसार डेल्टा प्लस’चे रुग्ण महाराष्ट्र, मध्य प्रदेश, केरळ या तीन राज्यांसोबतच पंजाब, तामिळनाडू, आंध्र प्रदेश, जम्मू आणि कर्नाटकात देखील आढळले आहेत. त्यांची एकूण आकडेवारी ४० च्या घरात जात असल्याचं एका अहवालावरून स्पष्ट होत आहे.
