DGCA चं ‘एअर इंडिया’विरोधात कारवाईचं पाऊल; गैरकृत्यांबाबत पाठवली नोटीस

पॅरिस-नवी दिल्ली विमानात प्रवाशांनी केलेल्या गैरवर्तनाच्या दोन घटनांबाबत ही नोटीस पाठवण्यात आली आहे. डिसेंबर महिन्यात ‘एअर इंडिया’च्या विमानात या लज्जास्पद घटना घडल्या होत्या. पॅरिसहून नवी दिल्लीला आलेल्या या विमानात एक प्रवासी शौचालयात धूम्रपान करत असल्याचे आढळून आले. तो विमानातील कर्मचाऱ्यांशीही हुज्जत घालत होता.

आणखी वाचा

EC Writes to BJP and Congress : आचारसंहितेचं उल्लंघन! भाजपा आणि काँग्रेसच्या अध्यक्षांना निवडणूक आयोगाकडून नोटीस

Nana Patole : निकालाआधी राजकीय घडामोडींना वेग; यातच…

मोटार तपासण्यासाठी थांबविण्यास सांगितल्याने पोलिसाला बॅरिकेटसह २० फुटापर्यंत फरफटत नेले; वाचा कुठे घडली ही घटना

मुंबई विमानतळावर दीड महिन्यात २१ धमक्या

Maharashtra Assembly Election 2024 : सर्वोच्च न्यायालयाच्या टिप्पणीनंतर अमोल मिटकरींनी मागितली माफी

विस्तारा’च्या विलीनीकरणातून एअर इंडियाच्या सेवेत विस्तार; विमानांचा ताफा ३०० वर, तर साप्ताहिक उड्डाणे ८,५०० वर

‘विस्तारा’ नाममुद्रा इतिहासजमा; एअर इंडियामध्ये विलीनीकरण पूर्ण

पंतप्रधानांच्या दौऱ्यानिमित्त ड्रोन, पॅराग्लायडर उड्डाणास बंदी; आदेशाचा भंग केल्यास कारवाईचा इशारा

दुसऱ्या घटनेत एक महिला प्रवासी शौचालयात गेली असता तिच्या शेजारच्या प्रवाशाने तिच्या रिकाम्या सीटवर आराम केला आणि तिच्या ब्लँकेटचाही वापर केला, अशी तक्रार करण्यात आली आहे. या दोन्ही घटना ६ डिसेंबर २०२२ रोजी घडल्या आहेत. या दोनही घटनांची माहिती ‘एअर इंडिया’ने ‘डीजीसीए’ला दिली नव्हती. ५ जानेवारी रोजी ‘डीजीसीए’ने या घटनांचा अहवाल मागितला. एअर इंडियाने ६ जानेवारीला ई-मेलद्वारे याचे उत्तर दिले.

हेही वाचा- विमानात महिलेच्या अंगावर लघुशंका करणाऱ्या तरुणाला कंपनीचा दणका, केली मोठी कारवाई

प्रथमदर्शनी असे दिसून येते की अनियंत्रित प्रवाशाच्या हाताळणीशी संबंधित तरतुदी आहेत. प्रवाशांनी नियमांचे पालन केले नाही. मात्र एअर इंडियाचा प्रतिसादही अपुरा आणि विलंबित होता, असे ‘डीजीसीए’ने म्हटले आहे. ‘डीजीसीए’ने एअर इंडियाच्या जबाबदार व्यवस्थापकांना त्याबाबत जबाबदार धरले असून नियामक कर्तव्याचे पालन न केल्याबद्दल कारवाई का केली जाऊ नये? यासाठी कारणे दाखवा नोटीस बजावली आहे. यावर दोन आठवड्यात उत्तर मागवलं आहे.