“तुम्ही मैत्रिणीच्या पतीशी लग्न केलं?”, नेटिझन्सच्या प्रश्नावर स्मृती इराणींचं सडेतोड उत्तर; म्हणाल्या, “माझी बदनामी…”

केंद्रीय मंत्री स्मृती इराणी यांनी Ask Me Anything असा प्रश्न त्यांच्या इस्टाग्राम स्टोरीवर विचारला होता. त्यावर त्यांना अनेक प्रश्न विचारण्यात आले होते. अनेक प्रश्नांची त्यांनी सडेतोड आणि हटके उत्तरे दिली आहेत. परंतु, त्यांना सर्वांत शेवटी एक खासगी प्रश्न विचारण्यात आला. तुमचं लग्न तुमच्या मैत्रिणीच्या पतीशी झालंय का? असा खोचक प्रश्न एका नेटिझनने विचारला. त्यावर स्मृती इराणी यांनी सविस्तर उत्तर दिलं आहे.