Digital Arrest Scam : ९० वर्षीय वृद्धाची ‘डिजिटल अरेस्ट’ करत फसवणूक; आयुष्यभराची कमाई असलेल १ कोटी लुबाडले

गुजरात गु्न्हे शाखेने दिलेल्या माहितीनुसार, या प्रकरणी ५ जणांना अटक करत चीनमधील टोळीच्या मदतीने चालवल्या जाणारे रॅकेट उद्ध्वस्त करण्यात आला आहे. मात्र यामागील सूत्रधार अद्याप सापडलेला नाही. या प्रकरणातील मुख्य आरोपी पार्थ गोपानी हा कंबोडियात असल्याचा संशय व्यक्त केला जात आहे.

आणखी वाचा

पुणे : गुंतवणुकीच्या आमिषाने सायबर चोरट्यांकडून ७७ लाखांची फसवणूक

‘मायक्रो-रिटायरमेंट’ म्हणजे काय? तरुणांमध्ये का वाढतोय हा ट्रेंड?

Bajrang Sonavane : “अजित पवारांनी बीडचं पालकमंत्रिपद घ्यावं, त्यांना अंधारात कोण काय…”, बजरंग सोनावणेंची मागणी

अमरावती : शेअर बाजारात नफ्याचे आमिष; तब्बल २१.९२ लाखांची…

नागपूर : सीआयडी अधिकाऱ्यांची आरोपींना मदत; रितिका मालू ‘हिट अँड रन प्रकरण’

यंदा नवी मुंबईत १ अब्ज ३७ कोटींहून अधिक रुपयांची सायबर लूट

पोलीस अधिकाऱ्याला लाच देणारा एसीबीच्या जाळ्यात

“माझा बॉयफ्रेंड दिल्ली पोलिस….” दिल्ली मेट्रोत तरुणीची दादागिरी, प्रवासी महिलेबरोबर जोरदार भांडण, Video Viral

पोलिस उपायुक्त (डीसीपी) भावेश रोझिया यांनी सांगितले की, शेअर बाजारात गुंतवणूक करणाऱ्या जेष्ठ नागरिकाला व्हॉट्सअॅपवर एका आरोपीचा कॉल आला होता. त्याने आपण सीबीआय अधिकारी असल्याचा दावा केला. तसेच तुमच्या नावाने मुंबईहून चीनला पाठवण्यात आलेल्या कुरिअरमध्ये ४०० ग्रॅम एमडी ड्रग्ज सापडल्याचेही ज्येष्ठ नागरिकाला सांगण्यात आले. याबरोबरच बँक खात्याच्या तपशीलानुसार तुम्ही मनी लॉन्ड्रिंगमध्ये गुंतले असल्याचा दावादेखील फसवणूक करणार्‍याने वृद्ध व्यक्तीकडे केला. याबरोबरच या प्रकरणी गुन्हा दाखल करून तुम्हाला व कुटुंबियांना अटक करू, अशी भीती देखील दाखवण्यात आली.

रोझिया यांनी सांगितले की, चौकशीच्या बहाण्याने त्या वृद्ध व्यक्तीला आरोपींनी १५ दिवसांसाठी ‘डिजिटल अरेस्ट’मध्ये ठेवले आणि त्याच्या बँक खात्यातून केलेल्या व्यवहारांबद्दल त्यांना प्रश्न विचारण्यात आले. त्यानंतर, आरोपींनी त्या वृद्ध व्यक्तीच्या बँक खात्यातून १,१५,००,००० रुपये ट्रान्सफर केले.

हेही वाचा>> “शिवसेनेची गृहमंत्रीपदाची मागणी, भाजपाचं जशास तसं प्रत्युत्तर; म्हणाले, मीडियासमोर वक्तव्य करून…”

या घटनेची माहिती मिळताच पीडित व्यक्तीच्या कुटुंबियांनी सुरत सायबर सेलशी संपर्क केला आणि २० ऑक्टोबर रोजी या प्रकरणी तक्रार दाखल केली. यानंतर ५ जणांना अटक करण्यात आली असून सुत्रधार गोपानी याचा शोध सुरू आहे. गोपानी याचे रेखाचित्रही पोलीसांनी प्रसिद्ध केले आहे.

पोलीसांनी सांगितले की, त्यांनी अटक केलेल्या आरोपींकडून वेगवेगळ्या बँकांचे ४६ डेबिट कार्ड, २३ बँक चेक बुक, एक वाहन, वेगवेगळ्या कंपन्यांचे चार रबरी शिक्के, नऊ मोबाइल फोन आणि २८ सीम कार्ड जप्त केले आहेत. रमेश सुराणा, उमेश जिंजाला, नरेश सुराणा, राजेश देवरा आणि गौरंग राखोलिया अशी अटक करण्यात आलेल्यांची नावे आहेत.