दिग्विजय सिंहांकडून मोहन भागवत-ओवेसींचे ‘एकत्रीकरण’!

वादग्रस्त वक्तव्यांसाठी नेहमी चर्चेत असणारे काँग्रेसचे नेते दिग्विजय सिंह यांनी आपल्या ट्विटर अकाऊंटवर एक छायाचित्र शेअर करून पुन्हा एकदा एका नव्या वादाला तोंड फोडले आहे. दिग्विजय सिंह यांनी एमआयएम पक्षाचे अध्यक्ष असदुद्दीन ओवेसी आणि राष्ट्रीय स्वयंसेवक संघाचे सरसंघचालक मोहन भागवत यांचे एकत्रित छायाचित्र ट्विट केले आहे. छायाचित्रात अर्धा चेहरा मोहन भागवत यांचा तर, अर्धा चेहरा असदुद्दीन ओवेसी यांचा दाखविण्यात आला आहे. हे छायाचित्र शेअर करताना दिग्विजय यांनी देशात या दोन चेहऱयांमुळे धार्मिक सलोखा बिघडत असल्याचे नमूद केले आहे. त्यामुळे दिग्विजय यांच्या या ट्विटमुळे नवा वाद निर्माण होण्याची शक्यता आहे.