Donald Trump : ट्रम्प यांची मोठी घोषणा; भारत व चीनवर लादले अतिरिक्त आयात शुल्क

डोनाल्ड ट्रम्प म्हणाले, अमेरिकेने अफगाणिस्तानमध्ये काही दहशतवाद्यांना पकडलं. आता त्याला अमेरिकेत आणलं जातंय. या कारवाईदरम्यान, पाकिस्तानी सरकारने आपली मदत केली. त्याबद्दल मी पाकिस्तनचे आभार मानतो.

ट्रम्प म्हणाले, मी लवकरच एका आदेशावर स्वाक्षरी करणार आहे. ज्याद्वारे पोलीस अधिकाऱ्याच्या हत्या प्रकरणातील आरोपीला मृत्यूदंडाची शिक्षा दिली जाईल.

ट्रम्प म्हणाले, अमेरिकेला पुन्हा श्रीमंत बनवायचं आहे आणि हीच आपली जबाबदारी आहे. आपल्याला अमेरिकेला महान बनवायचं आहे. आयात शुल्कासारख्या निर्णयांचा आपल्याला आंतरराष्ट्रीय पातळीवर थोडासा त्रास होईल. परंतु, त्यामुळे अमेरिकेला श्रीमंत होण्यास मदत मिळेल. टॅरिफ हा अमेरिकेला पुन्हा श्रीमंत व महान बनवण्याचा मार्ग आहे. आम्ही जसं ठरवलं होतं तसं घडत आहे आणि लवकरच आपण श्रीमंत होऊ. थोडा गोंधळ होईल पण आम्हाला ते मान्य आहे. परंतु, त्याने फार मोठा फरक पडणार नाही.

डोनाल्ड ट्रम्प म्हणाले, “अमेरिकेचं सरकार ५ मिलियन अमेरिकन डॉलर्समध्ये अमेरिकेचं गोल्ड कार्ड देत आहे. जगभरातील प्रतिभावान व कष्टाळू लोकांना याद्वारे अमेरिकेचं नागरिकत्व मिळवण्याचा मार्ग प्रदान केला जात आहे. हे ग्रीन कार्डसारखंच आहे. काही बाबतीत ग्रीन कार्डपेक्षा उत्तम आहे.”

अमेरिकेडून वेगवेगळ्या देशांना दिली जाणारी परदेशी मदत पूर्णपणे थांबवण्याचा निर्णय घेण्यात आला आहे. ट्रम्प यांनी त्यावर स्वाक्षरी केली आहे. अमेरिकन नागरिकांचे पैसे अमेरिकेसाठी खर्च केले जातील असं ट्रम्प यांनी म्हटलं आहे. अमेरिकेच्या धोरणात ट्रम्प यांनी हा मोठा बदल केला आहे.

अमेरिकेत केवळ दोन लिंग आहेत – पुरूष व स्त्री, असं डोनाल्ड ट्रम्प म्हणाले. आमच्या सरकारने सरकारी शाळांमधील क्रिटिकल रेस थ्योरी नावाचं विष काढून टाकलं आहे. मी यासंबंधीच्या एका आदेशावर स्वाक्षरी केली आहे. ज्यामुळे अमेरिकन सरकारचं अधिकृत धोरण ठरलं आहे की आपल्या देशात केवळ दोनच लिंग आहेत, स्त्री व पुरूष

अमेरिकेचे अध्यक्ष डोनाल्ड ट्रम्प यांनी मोठी घोषणा केली आहे. या घोषणेचे भारतीय अर्थव्यवस्थेवर परिणाम होऊ शकतात. कारण, ट्रम्प यांनी भारत व चीनवर अतिरिक्त आयात शुल्क लादलं आहे. याआधी ट्रम्प यांनी कॅनडा व मेक्सिकोवर अतिरिक्त आयात शुल्क लादलं होतं.

ट्रम्प यांनी एक मोठी घोषणा केली आहे. त्यांनी ‘गल्फ ऑफ मेक्सिको’चं नाव बदलल्याचं जाहीर केलं. हे आखात आता ‘गल्फ ऑफ अमेरिका’ या नावाने ओळखलं जाईल.

‘Make America affordable again’, असं म्हणत ट्रम्प यांनी महागाई कमी करण्यासंदर्भात घोषणा दिली. याआधीचे अमेरिकेचे अध्यक्ष जो बायडेन यांचा कारभार अमेरिकेतील महागाई वाढण्यास कारणीभूत होता असंही ट्रम्प यांनी यावेळी म्हटलं आहे. ट्रम्प म्हणाले, निवडून आल्यानंतर मला एक अशी अर्थव्यवस्था मिळाली आहे जिथे आपल्यासमोर आर्थिक आपत्ती उभी आहे. महागाई सर्वोच्च बिंदूपर्यंत पोहोचली आहे.

डोनाल्ड ट्रम्प म्हणाले, दोन दिवसांपूर्वी मी इंग्रजी भाषेला अमेरिकेची अधिकृत भाषा बनवण्यासंदर्भातील आदेशांवर स्वाक्षरी केली आहे.

Trump Speech Live Updates : अमेरिकन नागरिकांची स्वप्नं मोठी होतायत : ट्रम्प

अमेरिकेचे अध्यक्ष डोनाल्ड ट्रम्प म्हणाले, “अमेरिकेने पुन्हा एकदा विकासाची गती पकडली आहे. आपल्या देशाला गौरव, आत्मविश्वास व उत्साह परत मिळाला आहे. अमेरिकन नागरिक आता मोठी स्वप्नं पाहू लागले आहेत. सप्टेंबर महिन्यात अमेरिकेच्या निवडणुकीतून आपल्या जनतेने दिलेला जनादेश अविश्वस्नीय असा होता. आपण योग्य दिशेने प्रगती करत आहोत, असं बहुसंख्य अमेरिकन नागरिकांचं मत आहे.”

ट्रम्प यांच्या भाषणात अडथळा आणल्यामुळे डेमोक्रेटिक पक्षाचे प्रतिनिधी अल ग्रीन यांना सभागृहातून बाहेर जाण्यास सांगितलं आहे. सभागृहाचे अध्यक्ष माइक जॉन्सन यांनी आदेश दिल्यानंतर ग्रीन हे सभागृहातून बाहेर पडले.