अमेरिकेच्या अध्यक्षपदावर नव्याने निवडून आलेल्या डोनाल्ड ट्रम्प यांनी आपण राष्ट्राध्यक्ष म्हणून वर्षाला केवळ एका डॉलरचे मानधन घेणार असल्याचे स्पष्ट केले आहे. तसेच राष्ट्राध्यक्षपदाच्या कार्यकाळात आपण एकही सुट्टी घेणार नसल्याचेही ट्रम्प यांनी जाहीर केले आहे. अमेरिकेच्या राष्ट्राध्यक्षाला वर्षाकाठी ४ लाख डॉलर्स इतके मानधन मिळते. मात्र, मी हे मानधन घेणार नसल्याचे ट्रम्प यांनी एका मुलाखतीदरम्यान सांगितले. ट्रम्प यांनी सप्टेंबर महिन्यात निवडणूक प्रचारादरम्यान हा विचार बोलून दाखविला होता. अमेरिकेच्या राष्ट्राध्यक्षाला किती मानधन मिळते, हे माहित नाही. मात्र, मला कायद्यानुसार निदान १ डॉलर इतके मानधन घेणे बंधनकारक आहे, त्यामुळे मी ते घेईन. तसेच राष्ट्राध्यक्ष असताना मी एकाही दिवसाची सुट्टी घेणार नसल्याचेही ट्रम्प यांनी निवडणूक प्रचारादरम्यान चित्रित करण्यात आलेल्या व्हिडिओत सांगितले होते.
हजारपेक्षा जास्त प्रीमियम लेखांचा आस्वाद घ्या ई-पेपर अर्काइव्हचा पूर्ण अॅक्सेस कार्यक्रमांमध्ये निवडक सदस्यांना सहभागी होण्याची संधी ई-पेपर डाउनलोड करण्याची सुविधा
