Donald Trump Shooting : प्रचारसभेच्या शेजारील इमारतीत रायफल घेऊन उभा होता हल्लेखोर; हल्ला होण्याआधी काय घडलं, पहिला फोटो समोर!

डोनाल्ड ट्रम्प प्रचारसभेत जनसमुदायाला संबोधित करत होते. तेवढ्यातच गोळीबाराचा आवाज आणि डोनाल्ड ट्रम्प यांच्या कानाला चाटून गोळी (Donald Trump Shooting) गेली. परिणामी डोनाल्ड ट्रम्प यांच्या उजव्या कानातून रक्तस्राव होऊ लागला. घटनेचं गांभीर्य लक्षात घेताच सीक्रेट सर्व्हिसकडून तत्काळ डोनाल्ड ट्रम्प यांना सुरक्षित करण्यात आलं आणि हल्लेखोरावर गोळीबार करण्यात आला. यामध्ये या हल्लेखोराचा मृत्यू झाला.

“कार्यक्रमाच्या शेजारी असलेल्या इमारतीच्या छतावर हल्लेखोर व्यक्तीला पाहिलं. या हल्लेखोराकडे रायफल होतं. इमारतीच्या छतावर तो बराचवेळ होता. जवळपास ५० फूट अंतरावर तो आमच्यापासून लांब होता. त्यामुळे मला तेव्हाच प्रश्न पडला की ट्रम्प अजूनही का बोलत आहेत? हल्लेखोराला तत्काळ तेथून का बाहेर काढलं नाही? तेवढ्यातच गोळीबाराचा आवाज आला”, अशी माहिती एका प्रत्यक्षदर्शीने बीबीसीला दिली.

Read More on Donald Trump Shooting >> Donald Trump : अमेरिकेचे माजी राष्ट्राध्यक्ष डोनाल्ड ट्रम्प यांच्यावर प्रचारसभेत गोळीबार, गोळी चाटून गेल्याने रक्तस्राव; शूटरचा मृत्यू!

हल्ल्यानंतर डोनाल्ड ट्रम्प (Donald Trump Shooting) सुरक्षित असून त्यांनी सीक्रेट सर्व्हिस यांचे आभार मानले आहेत. त्यांनी तत्काळ पावलं उचलत ट्रम्प यांना सुरक्षित केल्याने पुढील अनर्थ टळला आहे.

Donald Trump Shooting बाबत सीक्रेट सर्व्हिसच्या प्रवक्त्यांनी काय सांगितलं?

यूएस सीक्रेट सर्व्हिसचे प्रवक्ते अँथनी गुग्लिएल्मी यांनी सांगितले की संरक्षणात्मक उपाय लागू केले गेले आहेत आणि ट्रम्प सुरक्षित आहेत. या घटनेची सध्या चौकशी सुरू आहे आणि जसजशी ती उपलब्ध होईल तसतसे अधिक माहिती जाहीर केली जाईल. माजी राष्ट्रपतींच्या सुरक्षेची खात्री करण्यासाठी सीक्रेट सर्व्हिसने सर्व आवश्यक पावले उचलली आहेत.”

गोळीबारानंतर डोनाल्ड ट्रम्प काय म्हणाले

ट्रम्प (Donald Trump) यांनी जारी केलेल्या निवेदनात म्हटलं आहे की, “गोळीबारावर जलद प्रतिसाद दिल्याबद्दल युनायटेड स्टेट्स सीक्रेट सर्व्हिस आणि कायदा अंमलबजावणी यांचे आभार मानले. आपल्या देशात असे कृत्य घडणे हे अविश्वसनीय आहे. शूटर, जो आता मरण पावला आहे, याबद्दल सध्या काहीही माहिती नाही.

गोळीबाराच्या घटनेचे वर्णन करताना ट्रम्प म्हणाले की, गोळी त्यांच्या उजव्या कानाच्या वरच्या भागाला लागली. मला लगेच कळले की काहीतरी गडबड आहे.मी गोळीबाराचा आवाज ऐकला आणि माझ्या त्वचेतून काहीतरी बाहेर पडल्यासारखं वाटलं. खूप रक्तस्त्राव झाला, मग मला कळले की काय होत आहे. देव अमेरिकेला आशीर्वाद दे!”, असं ते म्हणाले.