Earthquake in Kargil Ladakh : लडाखमधील कारगिल भागात तीव्र भूकंपाचे धक्के बसले आहेत. या भूकंपाची तीव्रता ५ रिश्टर इतकी आहे. सायंकाळी ७ वाजल्याच्या दरम्यान हा भूकंप झाला. या भूकंपामुळे कोणतीही जीवितहानी झाल्याची अद्याप माहिती नाही. एक दिवसापूर्वीच रविवारी (२६ डिसेंबर) हिमाचल प्रदेशमधील मंडीमध्ये देखील भूकंपाचे झटके बसले होते.

हेही वाचा : देशातील काही भागात भूकंपाचे सौम्य धक्के जाणवल्यानंतर सोशल मीडियावर #Earthquake ट्रेंड

दरम्यान, २२ डिसेंबरला देशातील काही भागात भूकंपाचे सौम्य धक्के जाणवले. कर्नाटकातील बेंगळुरूजवळील चिक्कबल्लापूर जिल्ह्यात सकाळी सलग २ दिवस भूकंपाचे सौम्य धक्के जाणवले. सकाळी ७ वाजून १० मिनिटांनी आणि ७ वाजून १५ मिनिटांच्या सुमारास झालेल्या भूकंपाचा केंद्रबिंदू मांडिकल आणि भोगपर्थी गावांजवळ होता. त्यांची तीव्रता रिश्टर स्केलवर २.९ आणि ३ इतकी मोजली गेली.

हिमाचल प्रदेशातील मंडी जिल्ह्यातही सकाळी भूकंपाचे धक्के बसले. यावेळी भूकंपाची तीव्रता मागील धक्क्यांपेक्षा जास्त होती. या भागात ७ दिवसांमध्ये दुसऱ्यांदा ३ रिश्टर स्केलपेक्षा जास्त क्षमतेचा धक्का जाणवला होता. मात्र, यात कोणतीही जीवित वा वित्तहानी झाली नाही.

सोशल मीडियावर #Earthquake ट्रेंड

विविध ठिकाणी भूकंपाच्या धक्क्यानंतर सोशल मीडियावर हॅशटॅग अर्थक्वेक (#Earthquake) ट्रेण्ड झाला होता. नेटकरी मजेशीर कमेंट्स, मीम्स शेअर करत ट्वीट करत होते, तर अनेकांनी कोणतीही जीवित किंवा वित्त हानी झाली नसल्याने सुटकेचा निश्वास सोडला.

टीप – या भूकंपाविषयी अधिक माहिती मिळत आहे. लवकरच याबाबतचे सविस्तर तपशील दिले जातील.